Mark, aprubado kay Vic!
PERSONAL na pinuntahan ni Mark Herras si Vic Sotto sa Eat Bulaga last Friday upang hingan ng endorsement para sa pagganap niya sa TV bilang Fantastic Man.
Si Mark kasi ang lalabas na Fantastic Man na unang ginampanan ni Vic sa pelikula na isinali sa Metro Manila Film Festival nang hindi na niya nakuha ang rights ng ginawa niyang Lastikman.
Hindi naman naging maramot ang Box Office King at pumayag siyang makuhanan ng camera at inendorso nga si Mark.
Of course, masayang-masaya ang aktor nang ibalita niya sa amin ang ginawa ni Vic, huh!
"Siyempre naman, sobrang saya ko. Imagine, pumayag si Bossing Vic na sabihing suportahan ako bilang Fantastic Man sa TV? Ang saya!" sabi sa amin ni Mark
Maraming kasamang artista si Mark sa bago niyang TV show at isa na roon si Jackie Rice. Mapapanood ito tuwing Saturday sa dating oras ng Starstruck.
SHARE THIS POST
