Grupo nina Robin at Angel, 3-oras na-stranded sa gilid ng bundok sa Chiangmail!
CHIANGMAI: Inabot nang 17 hours ang train trip namin mula sa Bangkok hanggang Chiangmai para sa shooting ng Asian Treasures dahil nagkaroon ng engine trouble ang train na aming sinakyan.Tatlong oras kaming stranded sa gilid ng bundok habang hinihintay namin ang ipapalit sa lead train na nagkaroon ng aberya.
Alas-otso nang gabi (March 17) nang umalis sa Bangkok ang train at nakarating kami sa Chiangmai ng 12 noon.
Habang stranded ang train, tuluy-tuloy ang trabaho ng masisipag na staff at production crew ng Asian Treasures.
Hindi kami masyadong nakatulog dahil nakapuwesto kami sa upper deck kaya ramdam na ramdam namin ang malikot na galaw ng train.
Bilib kami sa sipag ni Eric Quizon (direktor ng Asian Treasures) at ng kanyang mga artista na sina Robin Padilla, Marvin Agustin, Angel Locsin at Diana Zubiri.
Walang sinayang na oras si Eric at alam na alam niya ang kanyang Nakakaisip kaagad siya ng paraan sa tuwing may mga eksena na hindi ginagawa. makukunan dahil sa kakulangan ng oras.
***
Kitang-kita namin ang makapal na usok na resulta ng forest fire sa Chiangmai. Ilang araw nang laman ng mga diyaryo sa Thailand ang aksyon na ginagawa ng gobyerno para masugpo ang forest fire na nakaapekto sa libu-libong residente ng Chiangmai.
Nang makarating ang grupo sa Chiangmai, nagkaroon sila ng quick lunch at bumalik agad sa pagtatrabaho.
Kinunan ni Eric ang pagbaba mula sa train nina Robin, Angel, Marvin at Diana.
***
Nag-check in ang lahat sa Lotus Hotel, Pang Suan Kaew pagkatapos ng shooting sa Chiangmai Railway Station. Nang mailagay sa respective rooms ang mga bagahe, dumiretso ang lahat sa handicraft store para sa eksena nina Marvin at Diana.
Mabilis na kinunan ang eksena dahil hinabol ni Eric ang paglubog ng araw sa Paradise Spa and Resort.
Inabot nang hating-gabi ang shooting sa Pa-radise Spa and Resort dahil dito kinunan ang mga eksena ng training ni Jaime Fabregas sa apat na bida na nag-uunahan na mahanap ang Asian Treasures.
SHARE THIS POST
