Jennylyn At Ryza, Hilaw Ang Pagbabati
Sabay na nag-guest sina Jennylyn Mercado at Ryza Cenon sa taping ng All Star K nu'ng Miyerkules.
`Hired K!Llers' sina Jennylyn at Patrick Garcia at isa sa contestants si Ryza.
Pinagbati nina Allan K at Jaya sina Jennylyn at Ryza pero halatang hindi sincere ang pag-`hi' nila sa isa't isa.
Parang inaasahan na ni Ryza na ibabagsak siya ni Jennylyn pero hindi siya natanggal agad dahil mataas ang score niya kay Patrick.
Consistent daw na mababa ang score na ibinigay ni Jennylyn kay Ryza kaya hindi na ito umabot sa face-off.
Pagkatanggal kay Ryza, kaagad na umalis ito.
Syanga pala, hindi na pala tuloy si Jennylyn sa My Kuya's Wedding ni Ryan Agoncillo dahil hindi sila magkatugma ng schedule.
Si Pauleen Luna ang binabalak ng Regal na ipalit kay Jennylyn.
SHARE THIS POST
