Kapuso Stars

Malaki ang pasasalamat ni Bea Binene sa Pahiram ng Isang Ina dahil sa afternoon soap sa GMA-7 niya nalamang importante pa rin siya sa amang bigla na lang nag-walkout sa kanila ng kanyang ina.

“Nalaman ko at may nagkuwento sa akin na hindi man napanood ni Papa ang Tween Academy, pinapanood naman niya ang Pahiram.. at enough na sa akin ‘yun. Nang una kong malaman ‘yun, natuwa ako at teary-eyed ako,” amin ni Bea Binene.


Ang pag-alis ng ama sa bahay nila rin ang binanggit ni Bea Binene na kulang sa buhay niya sa 14th birthday
niya sa November 14. Hindi nila makakasama ng mom niya ang ama pagpunta ng Hongkong para du’n mag-celebrate.

Hanggang November 11 na lang ang soap at isa sa hindi niya makakalimutan ay ang chance to work with Direk Joel Lamangan.

“Natakot ako sa kanya noong una, sa first taping day ko, ang 7a.m., call time, dumating ako ng 5am., at gumising ng 3 a.m., para hindi ma-late. Pero masarap siyang katrabaho, lahat tinuturo at pati continuity inaayos,” ani Bea Binene.