Kapuso Stars

Hindi namin alam kung sinong ipapalit kay Direk Rico o kung ipapasa na kay Direk Mark ang full directorial control ng Party Pilipinas.

In fairness ay nakatulong sa show na dalawang team ang gumagawa nito dahil tila nagkaroon ng kompetisyon sa loob, na ang resulta ay magpagandahan at magpa*galingan, na ang nakikinabang ay ang programa at ang viewers nito.

Kumpara noong panahon ng makalumang SOP ay ang laki na ng in-improve ng PP.

Kung kailan umaayos na ang takbo at natatanggap na ng audience ang kasalukuyang mukha at nilalaman ng show ay nawalan ito ng isang haligi.

Bilib kami kay Direk Rico na tumagal siya sa programa ng mga sampung buwan gayong meron palang masalimuot na isyu hinggil sa kondisyon ng kanyang mga tao sa show.

Hindi namin sasabi*hing gusto namin ang lahat ng idea ni Direk Rico na napapanood namin sa PP, pero marami siyang ma*kabagong creative inputs na hindi maiisip ng ibang direktor na nabubuhay pa rin sa makalumang panahon.

Nakakalungkot lang na sa halip na suportahan ng istasyon ang mga bagong dugo na may mga bagong idea ay tila kabaligtaran pa ang nangyayari, kaya napipilitang umalis ang mga ito.

Idea ni Direk Rico ‘yung ‘Wazak’ musical na tinampukan ng loveteam nina Elmo Magalona at Julie Anne San Jose. Ambisyoso ang project niyang ‘yon pero nagbunga ang kanyang effort dahil ang ganda ng kinalabasan ng mala-Romeo & Juliet na rap musical.

Aminado kaming hindi namin naintindihan ‘yung introduction nito na ‘Dead Sync’, pero ‘yung mismong ‘A Wazak Love Story’ ay type na type namin.

Na-showcase nang husto sa nasabing musical ang galing nina Julie Anne at Elmo, na dalawa sa pinaka-talented na bagets ng GMA.

Klik na klik ang ‘Wazak’ hindi lang sa JuliElmo fans kundi maging sa wider audience dahil bukod sa dalawa ay pawang mahuhusay rin ang kasama nila rito gaya nina Radha, Nyko Maca, Kris Lawrence, Artstrong at La Diva.

Mami-miss namin ang mga ganu’ng konsepto ngayong nagbitiw na sa kanyang puwesto si Direk Rico.

Kahit iniwan na niya ang Party Pilipinas ay mananatili pa rin siya sa bakuran ng Siyete dahil meron pa siyang Showbiz Central at Kap’s Amazing Stories na pinagkakaabalahan.

Sakaling nais magbigay ng reaksyon ng GMA hinggil sa isyung ito ay bukas ang aming pahina para sa kanilang panig ng kuwento.