Kapuso Stars

Ito ang mapapansin sa lumalabas na video footage ng pagtataray ni Marian Rivera sa Internet.

Tipong ’yung nag-provoke na lalaki sa unahan ni Marian para bastusin at sagutin ng pabalang ang aktres ay may kakutsaba pa sa likuran na kumukuha rin ng video footage.

Sakto! Panalo ’yung nag-provoke kay Marian para magtaray. Ayun na nga, nai-post na nila sa YouTube ang pang-aasar, pambabastos nila sa tinatagurian ngayong phenomenal superstar ng kanyang henerasyon.

Eh, may Santo-Kristo man sa dibdib si Marian, ke may buntot man si Dyesebel, aba, kapag ganu’n ang set-up, ipo-provoke ka, babastusin ka, sasagutin ka ng pabalang-balang, well, talagang mabubuhay nga si Gabriela Silang sa katauhan ni Marian, tsuk!

And the height, nakipagbati pa raw kinabukasan ’yung lalaking nag-provoke, nambastos at sumagot ng pabalang-balang sa aktres, ha! Kapal!

Dapat siguro, Mike Enriquez, imbestigahan mo kung ano ang purpose o motive o kung may bad intention ang lalaking ’yon at kung sino ang kakutsaba nito at kung sino ang nag-utos sa kanila o kung ’yon ba ay isang modus operandi para ibenta sa YouTube at pagka-perahan. ’Yon na!

Kaya sa mga big name star or big name celeb, ingat lang at baka kayo naman ang maging biktima ng frame-up or set-up tulad ng nangyari kay Marian.

Parang hindi nalalayo sa mga eksena ngayon sa telefantasyang Dyesebel, kung saan dahil sa selos, naglagay ng hidden camera si Betty (Bianca King ) sa office ni Fredo (Dingdong Dantes) para malaman kung may babae ito.

Nagkataong lasing si Fredo at papasok naman si Dyesebel (Marian). Magyayakapan at maghahalikan ang dalawa.

Presto, huli ng hidden camera!