Alex at Jen di na magkakaayos
Alex kay Jen, "Umayos ayos sya kung hindi baka ingudngod ko ang pagmumukha nya" Ito ang binitiwang salita ni Alessandra de Rossi nang mainterview namin hinggil sa kanyang pagpasok sa fantaseryeng Super Twins.Pinalitan ni Alex si Tanya Garcia dahil sa maselang pagbubuntis nito. Nakapirma na si Alex ng kontrata sa nasabing teleserye kaya siguradong magkakaharap na sila ng nakaalitang si Jennylyn Mercado sa susunod na linggo.
Tinanong namin kung ano kaya ang maaaring mangyari kapag nagkaharap na sila ni Jen. "Umayos ayos sya dahil kung hindi baka ingudngod ko ang pagmumukha nya sa lahat ng sulok ng set", sabay bungisngis ng nakababatang kapatid ni Asunta.
Kinamusta rin namin kung kamusta na sila ni Jeremy Marquez, ang kanyang dating boyfriend. Pabirong sinabi nito na "Pinaubaya ko na sya kay Jen. Isaksak nya sa baga nya".
Tawanan ang mga kasamahan namin sa panulat kaya naman tinanong ni kasamang Roldan Castro na kung sakaling si Mark Herras naman ang manligaw sa kanya, ano ang kanyang gagawin. Isang malakas na sagot ang binitiwan ni Alex, "Yuck, he's not my type. At baka i-text pa ako ng kung anu-ano ng babaeng yan". Siguradong aabangan ang paghaharap ng dalawa sa set ng Super Twins.
SHARE THIS POST
