Kapuso Stars

Masaya raw ang sexy Kapuso star na si Jennylyn Mercado sa kanyang career at personal life. Kamusta naman kaya sila ni Dennis Trillo ngayong nagkakausap na uli sila ni Patrick Garcia na ama ng kanyang anak?

Naabutan ng entertainment reporter na si Lhar Santiago si Jennylyn sa kanyang sexy pictorial para sa isang magazine. Babaeng nasa gitna ng snow ang concept ng pictorial at dito ay kitang-kita ang pagiging sexy ng aktres.

Pero paglilinaw ni Jen sa Chika Minute ng GMA news 24 Oras nitong Martes, hindi para sa men’s magazine ang naturang mga larawan. Pero papaano nga ba name-maintain ni Jennylyn ang kanyang kaseksihan?

“Wala naman akong maintenance ano lang talaga, maingat ako sa mga kinakain ko, pakonti konti lang. Kung meron man akong kakainin na medyo nakakataba, konti lang," ayon kay Jen, na masaya ring nagbahagi sa kanyang filmfest movie na Rosario.

Ayon sa aktres, very thankful siya sa pagkakataong ibinigay sa kanya na maging bida sa isang malaking pelikula na ipapalabas sa Disyembre.

“Napakaganda ng ibinigay nilang opportunity sa’ken, so I feel so blessed and ang laki ng pasasalamat ko," dagdag niya.

Kontento raw ang aktres sa kanyang kanyang career at personal na buhay. Next month ay magsisimula rin daw ang bago niyang project sa Kapuso Network.

Kamusta naman kaya sila ni Dennis Trillo na napabalitang nobyo niya ngayong maganda rin ang pagkakaibigan nila ni Patrick Garcia na ama ng kanyang anak na si AJ.

Sagot ni Jen, wala naman daw silang naging problema ni Dennis mula nang magkausap na silang muli ni Patrick para sa kanilang anak.

"Never kaming nagkaproblema ni Dens tungkol sa ganyang mga bagay dahil naiintindihan naman niya lahat e. Kasi una, pinagdaanan niya rin yun, tatay naman siya saka very understanding yung taong ‘yon, paliwanag ni Jennylyn.

Alam ba ni Dennis na magiging sexy ang kanyang pictorial sa magazine?

"Ay hindi! ‘Wag kayong maingay, ‘wag niyong papalabas ‘to ha!," biro ni Jen sabay habol na, “Oo naman (alam ni Dennis)." - FRJimenez, GMANews.TV

HINDI naman nagpapakita ng kahit na anong uri ng frustration o
pagka-dismaya si Patrick Garcia kahit na tumatanggi ang kanyang dating
girlfriend na si Jennylyn Mercado na ipakita sa kanya ang kanilang anak.

Siguro nga, ito ang paraan ni Jennylyn para makaganti nang hindi siya
pakasalan ni Patrick matapos buntisin.

Pero, may simpatiya kami kay Patrick. Isipin ninyo, nagkaroon lang ng
kaunting problema dahil sa hindi nila
pag-papakasal, nagkaroon na ng ganyan kalaking gulo. Kung nagpakasal sila noon, tapos bigla silang may hindi napagkasunduang bagay, at nagkaroon ng ganyang gulo na pati ang mga pamilya nila ay nasangkot, ano na kaya ang mangyayari?

Kaya, para sa amin, tama lang din ang naging desisyon ni Patrick na huwag maging pabigla-bigla.

Mabuti na nga lang at hindi natuloy ang bigla-an nilang kasal noon.

source: unknown

Bagama't hindi pa nila napag-uusapan ni Jennylyn Mercado, sigurado na
ang young actor na si Mark Herras sa pagiging ninong ng magiging anak
ng ex-girlfriend niya. Nasa ika-anim na buwan ngayon ng pagbubuntis si
Jennylyn at inaasahan na lalaki ang kanyang anak sa ex-boyfriend
niyang si Patrick Garcia.

Sa panayam ni Rey Pumaloy ng Abante kay Mark, hindi raw kataka-taka na
kunin siya at ilan pang ka-batch nila sa StarStruck na maging
godparents ng baby ni Jennylyn dahil matalik na kaibigan nila ang
young actress

Tinanong din ng shoiwbiz columnist si Mark, paano kung hindi pumayag
si Patrick na maging ninong siya?

"Bakit, may magagawa ba siya kung si Jen ang may gusto?" sagot ni
Mark. "At saka ano naman ang masama kung maging ninong ako?

"Matagal nang tapos ang relasyon namin ni Jen at magkaibigan naman kami ngayon. So, dapat hindi na bigyan ng kahulugan ' yon. Para naman
'yon sa baby."

Dagdag ni Mark, "Bahala na lang si Jen doon. Kung ano ang sasabihin ni
Jen, 'yon na lang ang susundin ko."

Hindi rin naman iniisip ni Mark na magiging isyu pa ito sa pagitan
nila ni Patrick dahil nagkasama na rin sila sa trabaho, sa Fantastic
Man. Bukod pa rito, ayaw na ring makialam ni Mark sa problema nina
Jennylyn at Patrick.

"Hindi na rin namin pinag-uusapan 'yon ni Jen. Ang mahalaga ngayon ay
masaya si Jen."

IT'S A BABY BOY. Natutuwa rin si Mark nang malaman niya na lalaki ang
magiging anak nina Jennylyn at Patrick. Ito raw ang naging hula niya
noong mga unang buwan ng pagbubuntis ni Jennylyn.

"Nung two months pa lang ang baby sa tiyan ni Jen, nakipagpustahan ako
sa kanya. Sabi kasi ng iba, babae raw ang magiging baby niya dahil
maganda nga raw at blooming si Jen.

"E, maganda naman talaga si Jen at ibang-iba ang aura niya. Pero
kinontra ko 'yon at sinabi kong lalaki 'yon. E, lalaki nga, so tama
ako," lahad ni Mark.

Sa panganganak ni Jennylyn, nangako si Mark na tutulungan niya ang
dating kasintahan at ka-love team sa pagbabalik nito sa showbiz.

Isang isyu kay Jennylyn Mercado na patuloy na pinag-uusapan ay ang kapansin-pansing paglaki ng hinaharap niya, prompting many to think na nagparetoke siya ng boobs. Nakausap ng PEP (Philippine Entertainment Portal) si Jennylyn sa taping ng Super Twins at hiningan namin siya reaksiyon sa haka-haka na nagpadagdag diumano siya ng kanyang dibdib.

"Noon, may isyu nang ganyan, na nagparetoke daw ako, ganyan-ganyan. Hanggang ngayon, nagparetoke pa rin ako?!" natatawa niyang sabi.

"Una nilang napansin `yan sa isang presscon, naka-white na blouse kasi ako na body fit. At `yon na po, inisip na nila na nagpadagdag ako ng boobs. Bakit ko naman gagawin `yon? Hindi ko naman kailangan,
e!"
Dagdag pa ni Jennylyn, hindi siya pabor sa pagpaparetoke.

"Hindi ko naman po kailangan kaya against ako dun. Hindi ko gagawin ang pagpaparetoke ng boobs," sabi niya.

Ayon pa kay Jennylyn, ang pagbabago lang niya ng style ng pananamit mula nang naghiwalay sila ni Mark Herras ang rason kung kaya nag-iba ang hitsura ng katawan niya sa paningin ng iba. Kung dati ay medyo conservative siya kung manamit, ngayon na si Patrick Garcia na ang boyfriend niya ay malaya na siyang makapagsuot ng mga seksing damit.

"Kung napapansin ninyo, noong time na kami pa ni Mark, hindi ako nakakapagsuot ng mga ano [sexy outfits], kasi bawal. Hindi ako puwedeng magsuot ng malalalim na cleavage-cleavage. Hindi ako
makapagsuot ng mini-skirt. Pero nang naghiwalay kami, baka napansin n'yo lang na medyo nagpi-fit na ako. So siguro, doon n'yo lang nakita kaya naging iba ang tingin ng mga tao," paliwanag ng young
actress.

Ibig bang sabihin, unlike Mark, hindi mahigpit si Patrick sa pananamit niya?

"Medyo," pakli niya. "Pero in a way, talagang dapat may limit. Dapat alam mo `yong limitations mo. Kumbaga, parang alam mo na hindi ka nila babastusin, `yong irerespeto ka nila sa suot mo."

Mahusay raw magpalambot si Jennylyn Mercado.

Totoo `yon, pero bago kayo mag-isip ng kung anu-ano, magpalambot po ng puso ng tao ang gusto naming tukuyin.

Sabi-sabi kasi na si Jennylyn ang dahilan kung bakit biglang-bigla ay naging malambot ang personalidad ni Patrick Garcia ngayon.

Hindi na nga raw katulad noon si Patrick na parang palaging mainit ang ulo. Na konting kibot lang, parang nagagalit na.

Hindi na rin daw katulad noon si Patrick na isnabero. Dahil mula raw nang maging karelasyon nito si Jennylyn ay naging malambing na ito sa ibang tao.

Hindi rin daw totoo na tutol na tutol ang pamilya ni Patrick kay
Jennylyn. Katunayan, botong-boto nga raw ang pamilya ni Patrick kay Jennylyn.

Sabi ni Patrick, hindi rin daw, nakikialam ang kanyang pamilya sa mga karelasyon niya. Kung sino raw ang gusto nila, `yun na rin ang nagugustuhan nila.

Lalo na ngayon na magandang impluwensiya si Jennylyn kay Patrick. Pero ang tanong, gaano kaya katagal aabot ang relasyong ito nina Patrick at Jennylyn? Aba, nasaksihan na sa showbiz ang pakikipagrelasyon nila noon, na sa simula ay makikita mo talagang mahal na mahal nila ang mga kapareha nila, na parang `yun na talaga ang makakatuluyan nila, pero makalipas lang ang ilang taon, bigla ring nawawala ang mga taong `yon sa buhay nila.

Pero sana naman, dahil maganda naman ang impluwensiya nila sa isa't isa, magtagal na nga sila.

Siyanga pala, marami ang pumupuri sa katawan ngayon ni Jennylyn. Aba, seksing-seksi nga ito, ha!

Na dapat lang daw na maging seksi siya, dahil si Patrick nga kasi, mahilig sa mga babaeng seksi talaga.

May mga nagtatanong lang kung bakit parang may mga nagbago sa ibang bahagi ng katawan ni Jennylyn. Tulad na lang ng kanyang boobs na medyo lumaki yata, at pati na rin ng kanyang balakang, na parang kumurba na rin.

Dati raw kasi, medyo maliit ang kanyang balakang, at manipis din ang umbok sa kanyang dibdib.

Kunsabagay, sa panahon ngayon ay hindi na rin dapat busisiin pa ang mga pagbabago sa katawan ng mga babae sa showbiz. Aba, normal na lang sa ngayon ang magparetoke, `di ba?

At kung makagaganda nga sa katawan ng isang babae ang pagpaparetoke, okey lang `yon. At least, may effort siya na pagandahin ang kanyang katawan.

Hindi nga siya tulad ng ibang artista na lumalabas at lumalantad sa publiko na ang pangit-pangit ng katawan o ng itsura nila, `no!

Tuluyan nang nagkapatawaran sina Lolit Solis at Patrick Garcia. Matatandaan na nagpakita ng galit ang Startalk host na si Lolit laban kay Patrick noong nakaraang Sabado, April 21.

Nagsimula ang galit ni Lolit sa binatang aktor nang malaman niyang pinagsarahan ni Patrick ng pinto ng kotse ang isang staff ng Startalk sa set ng Super Twins. Nilinaw din ni Lolit na naka-
schedule naman ang interview at pinagpaalam ito sa mga kinauukulan.

Lubos naman itong ipinagpaumanhin ni Patrick. Ayon sa kanya, "You know, that action wasn't called for. Kumbaga, I admit mali 'yon. In fact, hindi ko sila masyadong nakita but, you know, I apologize."

Humingi na rin ng tawad si Patrick sa mismong staff na si Baby Briones at sa lahat ng bumubuo ng Startalk. Aniya, "Now I apologize to Ms. Baby [for] that time because medyo inaantok ano noon. And maybe I wasn't also in the mood.

"'Nay Lolit, I hope everything will be okay now. I've said my piece, my side, and I have nothing against you or Startalk. I hope everything will be okay."

Samantala, buong-puso namang tinanggap ito ni Lolit. Sabi pa niya, "Okay naman sa akin. Nagpapasalamat ako dahil nag-apologize siya sa atin sa Startalk at bati na sila ni [Baby Briones]."

Dagday ng Startalk host, "Ngayong bati na sila, nagpapasalamat ako kay Patrick at naging mapagkumbaba siya, nag-sorry siya sa akin, nag- sorry siya kay [Baby], at sana nga wala nang maging kasunod pa."

Alinsunod nito, humingi na rin ng tawad si Lolit kay Patrick at pati na sa mga mga magulang nito. Aniya, "Patrick, kung sakali man na nabigla ang parents mo na idedemanda ako, ako na ang humihingi ng apology sa 'yo kung anuman ang nasabi ko."

Sa taped interview ni Patrick sa Startalk, sinabi ng binatang aktor na hindi pa niya nakakausap ang kanyang mga magulang tungkol sa usap-usapang magsasampa sila ng kaso laban kay Lolit. Gayuman, hinihiling ng aktor, "Sana hindi na lumaki [ang isyu]."

Magkaiba ang versions ng kuwento ng nagka-engkuwentrong Startalk staff at si Patrick Garcia.

Last Saturday, April 21, mainit ang naging comment ni Lolit Solis kay Patrick dahil sa diumano'y "pambabastos" daw nito sa staff ng Startalk when the young actor was asked for an interview sa set ng Super Twins.

Diumano, bukod sa hindi na nga nagpa-interview si Patrick sa Startalk staff, pinagsarhan pa nito ng pinto ng kotse niya ang staff pagkatapos nitong sumigaw ng "Natutulog ako!"

Isang text message agad ang natanggap namin after the broadcast in defense of Patrick.

To wit: "Man of few words si Pat. I'm sure he didn't mean to hurt anyone, most especially the press. Naalimpungatan lang siguro. You know the saying 'magbiro sa lasing huwag lang sa bagong gising.' Pat's a gentleman."

All should have been well and the topic should have rested ngunit nakarating sa staff ng Startalk that Patrick was quoted daw saying na isa sa ikinainis niya ay natutulog na nga siya sa kotse niya, binuksan pa raw ng staff ng Startalk ang pinto ng kotse niya.

Nakausap namin ang mismong staff in question.

Ayon dito, "Una, may basbas ang interview mula sa kaniyang manager [Arnold Vegafria], sa handler niya, and sa EP of Super Twins [Edlyn Tallada]. Bago kami nagpunta sa set, pinagpaalam namin ito sa kanila kung puwedeng ma-interview si Patrick. Everyone said yes.

"Nang dumating kami, nagpasabi kami agad sa director [Dominic Zapata] at sinabihan kaming free that time si Patrick, kung kaya't pinahanap agad siya ng EP sa isang PA, at nasabi ngang nasa kotse siya. Lumapit kami sa kotse niya at habang hinahanda na namin ang camera, kinatok siya ng PA dahil nandoon na nga kami at kung puwedeng ma-interview siya.

"Nakabukas na ang pinto noon, nagsalita na siya agad ng 'Natutulog ako!' bago niya ito isinara. Kung sarado ang pinto at natutulog nga siya, bakit hindi bukas ang aircon ng kotse? Isa pa, hindi kami friend ni Patrick para buksan ko ang pinto," kuwento pa ng Startalk staff.

Hopefully, maayos din ito sakaling pumayag nga si Patrick na magpa-interview siya nang live sa Startalk this Saturday.

Kahapon sa Wow... Ang Showbiz! radio program ay nagpaliwanag si Patrick Garcia sa isyung hindi na siya nagpainterbyu sa mga taga-Startalk ay binastos pa niya ang mga ito dahil pinagsarhan niya ng pinto.

Ayon kay Patrick, kung alam daw niya na iinterbyuhin siya ng mga taga-Startalk sa taping, sana raw ay pinaghandaan niya ‘yon.

Natutulog daw siya sa loob ng kotse at nakasandal siya sa may pintuan nang biglang buksan ‘yon ng kanyang maid.

Isinara raw niya ‘yon bigla dahil malalaglag siya.

"Hindi ko po alam na kaya binuksan ng maid ‘yung pinto ng kotse eh dahil gusto akong interbyuhin ng mga taga-Startalk.

"Hindi po intentional ‘yon. Kung akala po nila, eh, binastos ko sila, I apologize po!" pahayag ng young actor.

Hindi raw gusto ni Patrick ang sagutin ang mga litanya ni Manay Lolit.

Naniniwala raw ang boyfriend ni Jennylyn na nakapag-dialogue lang si Manay Lolit against him dahil sa nakarating na balita rito.

Nagpahayag din si Patrick na hindi masama ang loob niya kay Mother Lily Monteverde at sa Regal Entertainment dahil sa pagkakaalis niya sa cast ng Tiyanak, ang pelikulang pagtatambalan nina Jennylyn at Mark Herras.

Maging siya raw ay hindi magiging komportable kung magkakasama silang tatlo sa pelikulang ‘yon dahil alam niyang iintrigahin lang sila.

Isa pa, sa Hunyo rin daw kasi ipalalabas ang isang movie na kasama sila ni Jennylyn, kaya okey rin na nawala siya sa Tiyanak.

Nilinaw rin ni Patrick na hindi niya minahal si Jennylyn para maging ka-loveteam, kaya okey lang kung hindi sila pagtambalin sa TV o pelikula.

"Niligawan ko si Jennylyn dahil gusto at mahal ko siya. Hindi para maging magka-loveteam kami.

"Actually, kapag magkasama kaming nagge-guest sa ilang TV shows, eh, naiilang pa ako.

"Sa akin kasi, masaya na ako na kaming dalawa kahit hindi pa kami ang gawing magka-loveteam," pahayag ni Patrick.

Kung magkakaroon ng botohan sa mga taga-Regal Films kung sino kina Patrick Garcia at Mark Herras ang mas gusto nilang maka-partner ni Jennylyn Mercado sa Tiyanak, tiyak nang si Mark ang wagi.

Ilan sa mga naririnig naming involved sa naturang project, hindi nila type si Patrick dahil antipatiko ito.

Parang ayaw naming maniwala kahit paminsan-minsan ay nagpapakita ng kasupladuhan ang aktor kapag ini-interview o naggi-guest sa Startalk.

Baka hindi lang niya kayang magpakaplastik kung hindi siya
kumportableng magpa-interview.

Nu'ng nakaraang Biyernes ay nagpakita si Patrick ng kaantipatikuhan sa ilang staff ng Startalk nang sinadya ito sa taping ng Super Twins para kunan ng reaksyon tungkol sa isyu ng casting sa Tiyanak.

Bago pumunta roon ang mga taga-Startalk ay pormal silang nagpaalam sa handler nito na kaagad umokey. Alam na raw ni Patrick ang naturang interview.

Nang dumating na ang reporter ng Startalk, lumapit ito sa isang staff ng Super Twins para magpaalam na interbyuhin ang aktor.

Nang nilapitan na si Patrick, sumagot ito ng "Tulog ako!" sabay sara ng pinto ng kanilang dressing room.

Ipinarating agad ito sa kanyang handler, pero ayaw na niyang sagutin ang mga tawag.

Tulog na raw siya kaya ayaw nang magpa-interview sa mga taga-Startalk.

Kinabukasan ay nagpaalam pa rin ang mga taga-Startalk kung pwede kahit phone patch interview man lang.

Sagot ng handler, natutulog pa si Patrick dahil napuyat sa taping.

Wish na lang namin kay Patrick na sana'y laging mahimbing ang kanyang pagtulog, huwag lang ang kanyang career.

Nag-story conference noong Wednesday ang Regal para sa horror movie na Tiyanak sa direksyon ni Mark Reyes.

Nang una namin marinig ang project, sina Jennylyn Mercado at Mark Herras ang makakasama ni Rica Peralejo, pero noong afternoon, si Patrick Garcia na.

Ni-reject daw ni Mark ang project dahil gagawin silang love triangle at ayaw nitong i-capitalize ang personal life nilang tatlo.

Ilang oras bago ang storycon, balik kay Mark na naman ang project dahil naisip ng Regal na sina Jennylyn at Patrick din ang bida ng Angel Love episode ng trilogy movie na Angels, na si Mark din ang director.

Magkakasunod yata ang showing ng dalawang pelikula at baka 'di makatulong, kaya inalis si Patrick at in na uli si Mark.

Next week na ang shooting ng Tiyanak. Kasama rin sa cast sina Jill Yulo, Alwyn Uytingco at Jake Cuenca.

Successful, beautiful and every man's dream girl, this is Angel Locsin. A picture of a perfect girl, what else can she ask for? iGMA.tv finds out from this birthday girl what her heart truly desires.

Celebrating her 22nd birthday on April 23, Angel Locsin can say that life has been good to her. Despite some bumps in the road, she managed to make the most out of her life. Starting her career as a teen star and gradually working her way up until GMA recognized her potential and gave her a break.

Now a certified star, she has a number of successful projects to her name on TV and on the big screen. There's no doubt she has come along way in the business. How will she mark the start of this new chapter in her life?

A different celebration

Last year Angel spent her birthday at a charitable institution for kids. This year she is passing up a birthday party again to celebrate her special day with an organization for women.

"Ayaw ko nang mag-party, kasi hindi talaga ako nagpa-party simula bata. Pagtinatanong ako ng tatay ko `party or pera?' ang sabi ko `pera!' (laughs) So ngayong tumatanda ako ayaw ko na. Mas gusto ko `yung katulad ng last year. May plinaplano naman kami para sa kababaihan, bilang isang babae, gusto kong tulungan yung kapwa ko babae, siyempre. At saka karamihan kasing sumusuporta sa akin puro bata so gusto ko munang unahin yung kabataan at tsaka yung
kababaihan," declares Angel.

Probably preferring to spend a day without the cameras and away from show business, Angel chooses to do something meaningful for her birthday - help the less fortunate and be an inspiration to other women. Now that's really an angel!

She can't think of anything in particular when we asked her what she wants for her birthday. After all, she probably has everything that a girl could ever wish for -- a beautiful new house, cars, a flourishing career, and a loving family. And although she has no boyfriend at the moment, there are suitors and friends who are loyal to her.

In gratitude

"Hindi ko pa alam eh, pero sana kung ano yung nangyayari ngayon magpatuloy lang, `yung mga blessings na binibigay sa akin, `yung mga sumusuporta sa akin. Sana hindi ko sila ma-disappoint. And sana suportahan nila itong Angels."


Her newest film, Angels, is a trilogy, which stars Marvin Agustin, Jennylyn Mercado, and Patrick Garcia among others. This movie also marks Angel's first venture behind the cameras.

"Kasi ito yung unang lakas ng loob kong mag-produce, para `yung mga kapwa kong artista ma-realize nila na marami silang magagawa dito sa pinasok nilang trabaho, at alam naman naming lahat na hindi kami forever dito."

Spoken like a true pro, this girl has come along way from her days at Click. She is aware of how things turn out in show business and as early as now she wants to take advantage of her status to prepare for her future. Thus, it is no surprise that she is reaping the rewards of her hard work. What ever this girl wants for her birthday we are sure she will definitely get it because heaven knows, she truly deserves it! Happy birthday Angel!

Pinakiusapan na si Mark Herras ng Regal Films, ng GMA Artist Center
at ni Manay Lolit Solis na tanggapin ang pelikulang pagsasamahan sana
nila nina Jennylyn Mercado at Patrick Garcia, pero tumanggi siya.

Okay lang daw kay Mark na makasama si Jennylyn o kaya'y si Patrick
pero kung silang tatlo ang magkakasama at palalabasing love triangle,
ayaw niya.

Matagal nang napabalitang gagawin ni Jennylyn itong Tiyanak na
makakasama si Patrick, pero hindi nababanggit na kasama rito si Mark.

Naramdaman siguro ni Mark na magagamit lang siya sa pelikulang ito,
kaya nagdesisyon siyang huwag tanggapin ito.

All's well that ends well between Dennis and Mother Lily.

Maganda ang naging pagsisimula ng taon para sa young actor na si Dennis Trillo. Nauna na itong nakipagbati ni Mother Lily Monteverde noong January 24 sa Imperial Palace Suites.

Bago kasi natapos ang 2006 ay nagkaroon ng tampuhan sa pagitan nina Dennis, ang manager nitong si Popoy Caritativo at si Mother Lily nang hindi matuloy ang paglabas ng young actor sa Mano Po 5. Ang buong-akala kasi nina Dennis at Popoy ay si Dennis ang magiging kapareha ni Angel Locsin sa 2006 Metro Manila Film Festival entry, pero nagulat sila nang ibigay ni Mother Lily ang role kay Richard Gutierrez.

Noong January 24 ay sinorpresa nina Dennis at Popoy si Mother Lily sa Imperial Palace Suites, na pag-aari ng Regal matriarch. Kasama noon ni Mother Lily ang kanyang Wednesday Club (isang grupo na binubuo ng mga iba't ibang tao mula sa entertainment industry). Nagkataon namang nagpapamasahe si Mother Lily nang dumating sina Dennis at Popoy kaya hindi agad nakita ng nakadapang movie producer ang dalawa. Nilapitan at binigyan ng mga bulaklak ni Dennis si Mother Lily bilang hudyat ng pakikipag-ayos niya rito.

"Love ko naman talaga si Mother [Lily] ever since dahil ang laki talaga ng utang na loob namin sa kanya. Isa siya sa mga nagbigay ng malalaking breaks sa akin sa pelikula," pahayag ni Dennis sa panayam ng PEP (Philippine Entertainment Portal) sa press conference ng Super Twins last February 5.

(Ang kauna-unahang pelikula ni Dennis ay ang Aishite Imasu noong 2004 na nagbigay kay Dennis ng maraming acting awards.)

Paliwanag ni Dennis, "Kaya naman kami nanahimik din ng ganung katagal dahil sa sobrang pagmamahal namin sa kanya. Ayaw naming magsalita anything against her. So pinalipas namin lahat hanggang sa dumating yung [tamang] panahon. Tampuhan lang yun ng anak at ina."

Dagdag pa niya, "Kahit anong tampuhan naman talaga, hindi mo naman kailangang patagalin. Meron ding pagkakaintindihan. Kailangang simulan nating fresh yung taon. Mahirap magtrabaho na mayroon kang hinanakit na nararamdaman."

Sa ngayon ay inihahanda na ni Mother Lily ang susunod na pelikula ni Dennis sa Regal Entertainment.


VALENTINE'S DAY. Bagama't malapit na ang Valentine's day, wala pa raw plano si Dennis.

"Valentine's ko? Hindi pa malinaw ngayon dahil puro trabaho talaga, lalo na magsisimula na yung Super Twins. Kung malibre... Pero kung abutan ako ng Valentine's sa trabaho, okay lang din," sabi ni Dennis, na napakatahimik pagdating sa kanyang pribadong buhay. Ngunit bulung-bulungan sa apat na sulok ng showbiz na si Dennis at ang Bb. Pilipinas World 2005 na si Carlene Aguilar pa rin hanggang ngayon.

ANGEL LOCSIN. Ngayong single ulit si Angel Locsin pagkatapos makipaghiwalay sa boyfriend nitong si Oyo Sotto, tinanong si Dennis kung may balak ba siyang ituloy ang panliligaw kay Angel. Matatandaang habang ginagawa nila noon ang Mulawin ay nagkaroon ng "mutual understanding" sina Dennis at Angel, ngunit hindi rin ito nagbunga ng mas malalim na relasyon.

"Ayoko namang makialam. Kahit papaano, kaibigan ko si Oyo. Ayokong manghimasok kaagad. Sa ngayon, ayokong pumasok sa sitwasyon na hindi ko kayang i-handle e," safe na sagot ni Dennis.

Pagpapatuloy pa niya, "Ayoko namang pilitin, 'di ba? Hindi ko pa masasabi. ‘Pag nagkaroon na lang ng pagkakataon. Sobrang busy kasi siya [Angel]."

May nararamdaman pa ba siya kay Angel?


"Siyempre naman," pag-amin ni Dennis. "Kasi kahit na hindi umubra yung sa amin noon, ang magandang nangyari dun—na-develop yung rapport namin, at the same time, yung pagkakaibigan namin—kaya walang problema dun."

Bukod sa Mulawin ay nagtambal din sina Dennis at Angel sa mga fantaserye ng GMA-7 na Darna at Majika, at sa horror flick na TXT.

Sa Super Twins naman, na magsisimula sa February 12, ay ginagampanan ni Dennis ang papel ni Eliseo na siyang magiging mentor ng mga batang sina Sha-sha (Nicole Dulalia) at Tin-Tin (Ella Cruz). Kasama ni Dennis dito sina Jennylyn Mercado, Nadine Samonte, Patrick Garcia, Camille Prats, Bianca King, Tanya Garcia, Marian Rivera, at marami pang iba.

Marks says he's not getting back together with Jennylyn
Bakit umi-epal [nakikisali] si Patrick sa away naming personal ni Jennylyn?" says
Mark Herras

Tuloy pa rin ang sagutan at away-bati ng dating magkarelasyon na sina Jennylyn Mercado at Mark Herras.

Nakarating kay Jennylyn ang mga sinabi ni Mark tungkol sa kanya at sa boyfriend ng young actress na si Patrick Garcia. Galit na galit daw diumano si Jennylyn kay Mark.

Dahil dito, si Jennylyn naman daw ang nagsalita na hindi siya nirespeto ng kanyang dating boyfriend at binabaligtad ni Mark ang kuwento.

Ayon kay Jennylyn, hindi raw siya nagsumbong kay Patrick kundi kay Katrina Halili—ka-batch nina Jennylyn at Mark sa StarStruck. Si Mark daw kasi ang nanggugulo sa kanila ni Patrick dahil gusto raw nitong bumalik sa kanya ngunit ayaw na ni Jennylyn.

Around 4 p.m. kahapon, January 18, via a three-way phone call, pinagbati ng common handler nila sa GMA Artist Center na si Daryl Zamora sina Jennylyn at Mark. So it was thought na okay na, pero
hindi alam nina Daryl at Mark na sumagot palang muli si Jennylyn.

Friday morning, January 19, naglabasan ang mga sagot ni Jennylyn—although may advanced copies na ang ilan via the newspapers' website. Tiyempo namang nagkita kami ni Mark sa Station 168 Internet Café sa Tomas Morato so nahingan namin agad siya ng reaction.

Una, inamin ni Mark na pinagbati nga sila ni Daryl. He thought okay na ang lahat kung kaya't nagulat siya na nagpa-interview rin pala si Jennylyn kaya gusto niya lang itong sagutin.

"Wala akong planong sirain ang relationship nilang dalawa. Wala akong planong magsabi ng masama against them. Bakit umi-epal [nakikisali] si Patrick sa away naming personal ni Jennylyn?" pauna
ni Mark.

For the record daw, hinding-hindi siya bumabalik kay Jennylyn. Alam daw ni Jennylyn ang totoo.

Ipinabasa rin sa amin ni Mark ang actual text ni Jennylyn na paghahamon ni Patrick kay Mark na sinasabi ni Jennylyn na hindi totoo. We got Mark's permission to print the message as
is: "Tinatanong ni Pat ad m bigay ko ha? Alam m naman un pulitka hawak nun. Kaya handa m n sarili m ha? Ingat k lage."

Samantala, may kasamahan ding entertainment writer na nakausap si Katrina—also that Thursday night—to ask kung totoo ang sinabi ni Jennylyn na sa kanya isinumbong si Mark. Ang naging sagot ni
Katrina, hindi raw ito totoo dahil two weeks na silang hindi nag-uusap ni Jennylyn. Busy raw siya Atlantika.

Nag-follow up din kami nang personal kay Katrina. Tinanong namin kung totoong nagsumbong si Jennylyn sa kanya about Mark at kung totoong inamin niya na MU (mutual understanding) na sila ni Mark kay Jennylyn.

Ito ang naging sagot ni Katrina sa amin via text: "Not true. Walang katotohanan po `yan. Hindi ko alam kung saan galing `yan."

"Wala na nga siyang respeto sa akin, gagawa pa siya ng istoryang mali naman," matigas na pahayag ni Jennylyn Mercado sa kanyang publicist tungkol sa isyung hinamon daw ni Patrick Garcia si Mark Herras kamakailan.

"Hindi po totoo na hinamon ni Patrick si Mark at hindi rin ako nagsumbong kay Pat, kay Katrina (Halili) ako nagsumbong na pagsabihan niya si Mark kasi ginugulo ako sa text at kung anu-anong masasakit na salita ang sinabi sa akin. Kaya kung gusto niyang irespeto ko siya, irespeto rin niya ako," paliwanag pa ng bida ng Super Twins.

Nakausap si Mark sa taping ng Princess Charming ng ilang katoto at nabanggit nga nito na nag-away sila ng boyfriend ni Jennylyn na si Patrick at hinamon siya ng suntukan.

"Nangungulit pong bumalik si Mark sa akin, hindi ko na tinanggap dahil ayoko na, kung anu-anong masasakit na salita na ang sinabi sa akin kaya nagalit ako at sinabi ko kay Kat na pagsabihan nga niya, galit din sa kanya (Mark) si Pat, pero hindi siya hinamon ng suntukan," pagdidiin ni Jennylyn.

Last two weeks ay nag-aminan on air sa Startalk na love nina Jen at Patrick ang isa’t isa at last week sa parehong programa kung saan sabay nag-guest ang dalawa ay tila naumid naman ang mga dila nilang magsalita nung deretsahan silang tanuning kung ‘sila’ na nga.

Jennylyn Mercado and Patrick Garcia finally admitted that they're on, after a week of trying to keep mum about the issue. Still Mercado would rather have kept it to themselves.

In an interview with Lhar Santiago of "Chika Minute," aired on Wednesday evening, Mercado explained their reluctance to let admit the affair: "Kasi kamukha nung nangyari sa amin ni Mark [Herras] na parang gumulo. Okay na nga na gumulo, dahil ang daming chismis, ang daming naninira. Parang kami, naguguluhan na rin kami."

Herras, her ex-boyfriend, has himself been the subject of rumors, linking him to Katrina Halili.

Mercado and Garcia are very conscious too that they could very well use interest in their personal relationship to attract attention to their shows.

But they'd rather keep their personal lives separate from their careers.

"Mas gusto namin ang tahimik," Mercado said. "Pero hindi namin maiwasan ang hindi maging tahimik dahil nga maraming tao ang nagugulo."

Even their admission, in fact, was something they did out of media pressure.

"Actually, hindi kami ang nag-decide noon," Mercado said.

Last Saturday, January 14, Mercado and Garcia appeared on GMA's StarTalk, and gave what must be the most speechless interview ever in the history of local television.

Just a week earlier, they admitted on the same show that they love each other. In the January 14 episode, they made the admission by not denying anything.

Host Butch Francisco asked them if they were already officially a couple.

The couple looked into each other's eyes, Mercado lightly squeezing Garcia's thigh, but they said nothing, despite Francisco's repeated question.

The talk show host then decided that the silence, with not even a hint of denial from either, meant yes. So he asked each of them what their promise was to each other.

"Nandito lang ako para sa kanya, kung may problema siya," Garcia said.

To which Mercado gave the same reply: "Nandito lang ako for him."

So are they now ready to face an insistent media hungry for any little tidbit about their new relationship?

"Ready na. Siguro may limit na. Hindi na katulad ng noon."

Kakaiba ang dating ni StarStruck 1 Ultimate Female survivor na si Jennylyn Mercado ngayon. Bukod kasi sa kanyang new “Super Twins look”, ay aminado pa siyang inspired siya sa kanyang bagong boyfriend na si Patrick Garcia.

Ngunit sa kabila ng pag-amin ng dalawa tungkol sa kanilang relasyon, sinabi ni Jen na mas gugustuhin niyang itago muna ito kung siya lang ang masusunod. Ayaw daw niya kasing paghaluing muli ang kanyang career at personal life.

Ayaw din niyang mapagbintangan sila ni Patrick na ginagamit ang kanilang relasyon para sa kanilang career.

Ang tanging hiling ng young star ngayon, magkaroon ng tahimik na love life dahil ayaw na niyang maulit ang naging magulong relasyon nila ng dating nobyong si Mark Herras.

Tuwang-tuwa si Jennylyn Mercado sa magandang feedback ng pagiging cover girl niya ng Maxim for January.

Ayon sa text message na kanyang natanggap, sa Trend Daily Newsstand Survey, as of Jan. 5 ay nasa 68 percent na ang sales ng nasabing glossy mag.

Ito raw ang kauna-unahang pagkakataon na nataasan ng Maxim ang sales ng kakumpetensiyang FHM Magazine.

Siyempre, masayang-masaya si Jen considering na hindi naman siya gaanong nagpakita ng flesh sa kanyang pictorial sa Maxim.

Kabado pa nga siya noong una dahil worried siyang baka hindi matanggap ng kanyang fans ang pagpu-pose nang sexy.

Pero nawala ang lahat ng worries niya nang makarating nga sa kanya ang magandang balita.

Ngayon daw niya napatunayang mahal talaga siya ng supporters at sinusuportahan ng mga ito ang lahat ng kanyang ginagawa.

Nagpapasalamat ang young actress-singer sa lahat ng tumangkilik ng January issue ng Maxim at wish niya, suportahan din ang kanyang next project sa GMA-7, ang Super Twins, na kasalukuyan nang ipinakikita ang teaser.

Makakasama ni Jen sa Super Twins sina Nadine Samonte bilang kakambal, Dennis Trillo, Patrick Garcia, Marian Rivera at marami pang iba.

Aminado ang young si Katrina Halili na kinilig siya at nainggit sa sweetness nina Jennylyn Mercado at Patrick Garcia nang napanood niya ang dalawa sa TV na nagsasabihan ng "mahal kita." Patuloy nga ang speculation na nagkakamabutihan na sina Jen at Patrick, subalit ayaw namang direktang umamin ang dalawa.

Pero nilinaw ni Katrina sa (PEP) Philippine Entertainment Portal na hindi porke ginawa ito ng dalawa ay tototohanin na rin nila ni Mark Herras ang napapabalitang pagli-link sa kanila at gagayahin nila sina Jen at Patrick.

"Napanood ko ‘yon kanina sa TV, naiinggit nga ako e," panimulang pahayag ng aktres sa kanyang 21st birthday party last Sunday, January 7 sa Mugen Bar, Metrowalk, Ortigas.

"Pero hindi naman kami magsasabihan ng ganoon ni Mark sa TV," mabilis na dagdag pa niya sa tanong kung susunod din silang magiging extra sweet sa TV ng napapabalitang manliligaw niyang si Mark.

"Sa akin lang kasi, parang ang sweet lang tingnan nina Jen at Patrick and natuwa talaga ako sa kanila. Pero iba naman ‘yong sa kanilang dalawa at iba naman ‘yong sa amin ni Mark," pahabol na paglilinaw pa ng aktres na itinanghal bilang Philippine's Sexiest Woman ng FHM last year.

The young stars exchange "I love yous" on national television

Patrick Garcia has shouted to the world that he loves Jennylyn Mercado

On national television, nagpalitan ng matatamis na "I love you" ang young stars na sina Jennylyn Mercado at Patrick Garcia. Ito ay naganap sa S-Files noong Linggo, January 7. Guest si Jennylyn sa live presentation ng programa samantalang na-interview naman si Patrick over the phone.

Sa kabila nito, hindi pa rin daw pormal ang relasyon ng dalawa.

Ayon kay Jennylyn, "Friends kami. Healthy naman yung relationship—friendship namin. Mabait siya sa family ko. Madalas siya sa bahay, ganun. Friends lang talaga. Normal lang."

Dahilan aminado naman ang dalawa na malapit sila sa isa't isa, naitanong ng interviewer na si Paolo Bediones kay Jennylyn kung ano ang hindi alam ng mga tao tungkol kay Patrick.

Natatawang sumagot si Jen na, "Naku, masandal lang siya, tulog na!"

Pero bumawi naman siya agad at sinabing, "Napakabait niya, sobra. Hindi ko ma-explain. Sobrang understanding, maalahanin. Sobrang sweet."

Hindi rin maiiwasang mapansin ang mamahaling bracelet na suot ni Jennylyn sa naturang guesting niya. Inamin ng young actress na regalo ito sa kanya ng ina ni Patrick.

Paliwanag ni Jennylyn, "Opo, yung mommy niya ang nagbigay. Even yung friends, nagbibigayan. Wala naman sigurong masama."

Siyempre, hindi na rin pinalampas ng S-Files ang pagkakataon na isama sa interview over the phone si Patrick, na noo'y nasa General Santos City. Sa telepono, agad tinanong ang young actor kung mahal na nito si Jennylyn.

"Kung sinabi kong mahal ko siya, sabihin kaya niya na mahal niya ako?" nakakagulat na sagot ni Patrick, na naging dahilan upang kiligin ang lahat ng nasa studio.

Tapos ay sinabi nitong: "Jen, hi! Mahal kita."

Dito na nagwala ang mga nasa studio na hindi mapigil sa kakasigaw.

Hindi naman maikakailang kinilig ang dalaga sa pahayag na iyon ng binata.

"Kinakabahan ako," ang nahihiyang sagot ni Jennylyn.

Sa tuwa ng dalaga ay nalimutan na nito ang tanong sa kanya.

"Hindi ko alam sasabihin ko. Ninerbiyos naman ako dun, Patrick. Ano nga pala yung tanong, nakalimutan ko?" nakakatawang sagot niya.

Nang ipaalala sa kanya ang tanong, maikli ngunit malaman din ang sagot ni Jennylyn: "Oo naman. Mahal din kita."

Pagkatapos nito ay dinig na dinig ang malakas na hiyawan ng mga tao sa loob ng studio.

Sinabi pa ni Patrick, "Sana katabi ko siya ngayon. Nandito ako ngayon sa Gen San e. Bukas na bukas lang nandiyan na ako sa tabi ni Jen."

Binigyang-diin ng binata na, "Kung mahal mo yung tao, dapat lahat tungkol dun sa tao mamahalin mo. So lahat tungkol sa kanya e nagustuhan ko at mamahalin ko siyempre."

Sagot naman ni Jen, "Thank you for being there for me. Stay as nice as you are. Nandito lang ako para sa iyo."

Kahit pa nagsabi na ng "mahal kita" si Patrick, hindi pa rin daw niya minamadali si Jen.

"Whenever she's ready," ang huling pahayag ni Patrick na nagpapahiwatig na handa siyang hintayin si Jennylyn.

Sa unang pagkakataon ay magkakasama sina Jennylyn at Patrick sa isang TV show. Pareho silang nasa cast ng sisimulang Super Twins ng GMA-7.