Nadine Samonte nearly burned in fireworks accident
Naaksidente kamakailan ang young actress na si Nadine Samonte sa taping ng Super Twins, ang fantaserye ng GMA-7 na pinagbibidahan nila ni Jennylyn Mercado. Ikinuwento mismo ni Nadine sa PEP (Philippine Entertainment Portal) ang nangyari sa kanya sa press con ng Magic Kamison kagabi, January 29.
"Ang nangyari, nanonood kami ng fireworks. May eksena kasi na may mga fireworks, pero hindi po ako kasama sa eksena. Katabi ko si Jennylyn. ‘Tapos ang nangyari po, habang nanonood kami, sabi ni Mama, tumingin ako sa baba kasi may mga naglalaglagan, baka matamaan ang mata ko," panimulang kuwento ni Nadine.
"Pagtingin ko sa baba, nasusunog na itong kaliwang braso ko! Actually, yung costume ko at yung mismong balat ko, nararamdaman ko, mainit na. Pagtingin ko, sunog na! Buti na lang, naka-guwantes ako. Inalis ko agad yung apoy, iniwas ko agad yung mukha ko," patuloy niya habang iminumuwestra ang mga ginawa niya.
Hindi na rin daw kinailangan na dalhin siya sa ospital dahil nilagyan naman agad ng burn ointment ang nasunog na bahagi ng kanyang katawan na malapit sa balikat. Ipinagpapasalamat din ni Nadine na hindi nasunog ang kanyang buhok dahil nakatali raw ito that time.
Samantala, uso ngayon ang split-up o cool-off among showbiz couples dahil sa kawalan ng oras para sa isa't isa. Ilan sa celebrity couples na recently ay either nag-split or nag-cool off dahil sa lack of time ay sina Ara Mina at Polo Ravales, sina Alfred Vargas at LJ Reyes, at sina Angel Locsin at Oyo Sotto.
Bagama't medyo late na ay hiningan na rin namin ng reaksiyon si Nadine tungkol sa pag-i-split nina Angel at Oyo, na ex-boyfriend ng young actress.
"Wala! Wala, ano'ng magiging reaksyon ko dun? Nakakalungkot lang kasi years na sila. Parang sayang naman. Pero wala akong masasabi, wala akong mare-react. Baka ma-misunderstood na naman ako. Basta sayang, sayang," pag-iwas niya.
Kinumusta rin ng PEP kay Nadine ang boyfriend niya for more than one year now na si Emerson Chua. Hindi ba nagiging problema sa kanila ang time para sa isa't isa?
"Hindi. Kasi kami, kapag nagkukulang na kami ng time sa isa't isa, naghahanap talaga kami ng araw na... Kasi mahirap yung nakukulangan ka na ng time e. Na nag-uumpisa yung nagkakasawaan na, nagkakaproblema na kayo, nag-aaway na kayo palagi," paliwanag ni Nadine.
"Talagang binibigyan namin yung relationship namin ng time. ‘Tsaka sobrang understanding niya, lahat iniintindi niya," sabi pa ng dalaga.
Kilala kasi ang mga Chinese sa pagpapahalaga nila sa kanilang kultura, kung kaya hangga't maaari ay gusto ng mga ito na Intsik din ang mapangasawa ng kanilang mga anak. Dahil Chinese ang boyfriend ni Nadine, hindi ba nagkaproblema ang young actress sa mga magulang ni Emerson?
"Actually, nagkaroon ng problema nung una. Pero lately, parang um-okay naman. Hindi naman sa mismong family niya kundi sa side ng father niya. Pero okay naman na," sabi ni Nadine, na magse-celebrate ng kanyang 19th birthday sa March 2.
Kasama si Nadine sa first season ng Magic Kamison, kung saan kasama rin niya sina Gladys Guevarra, Alfred Vargas, Iwa Moto, Carmi Martin, Mike Gayoso, at Miss Pilita Corrales, sa direksyon ni Khryss Adalia. Magsisimula na itong ipalabas sa February 4, Sunday, sa GMA-7.
Angel, ninerbiyos sa unang tikim!
PROUD na proud si Angel Locsin sa kissing scene at love scene na ginawa nila ni Richard Gutierrez sa The Promise ng GMA Films at Regal Entertainment.Sabi nga ni Angel, bagama’t parehong first time nila ni Richard sa mga ganu’ng eksena, sa pananaw ng director na si Michael Tuviera, pasadung-pasado talaga.
"Ang galing nga namin ni Richard dahil kahit ngayon lang namin ‘yon ginawa, nagawa talaga namin ng maayos," nakangiting bungad ni Angel.
Matindi kung matindi ang deskripsyon ni Angel sa ginawa nila ni Richard sa pelikula. Kitang-kita raw kasi ‘yung passion sa kanila.
"Pero dahil ayaw pa rin namin na maging pangit o malaswang tingnan, kaya tender pa rin ‘yung pag-atake. Pero, kitang-kita ‘yung pagiging passionate namin. Atsaka, ang husay-husay kung paano iprinisinta ‘yung eksena."
Mahirap bang makipaghalikan at makipaglampungan sa harap ng kamera?
"Oo naman, nakakanerbiyos, ha!
"Sabi ko nga, mabuti na lang at si Richard ang kasama ko, kasi kumportable na ako sa kanya. Tapos, kinukulit talaga niya ako kapag nakikita niya na tahimik na ako, kaya nawawala ‘yung tensyon ko.
"Siguro, kung ibang tao ang kasama ko, baka hindi lumabas na maganda, baka hindi ko rin gawin. Si Richard kasi, okey na okey na kami, sabay kaming nagsimula sa showbiz, at ang dami na naming pinagdaanan together.
"So, okey nga ‘yung naisip ng GMA at Regal na kaming dalawa ang pagsamahin sa ganito ka-sensitive na movie. Kasi, pareho naming first time, at magkakasuportahan kami.
"Mahirap kung sa mahirap. Pero, nu’ng nakita ko ‘yung resulta, nawala na ‘yung hirap na ‘yon. Sabi ko nga, kapag napanood niyo `yung movie, siguradong mai-in love kayo.
"‘Yun ang gusto naming ma-achieve, `yung ma-in love `yung mga manonood. Nu’ng ginawa kasi namin `yung scene, in character talaga kami ni Richard, para lumabas na totoong-totoo," kuwento pa rin ni Angel.
Nagpapasalamat si Angel dahil inalagaan siya nang husto ni Richard sa syuting nila. May mga pagkakataon nga raw na halos manipis na tela lang ang nakasaplot sa kanyang katawan, pero palagi ay nandiyan si Richard para takpan ang maseselang bahagi ng kanyang katawan.
"Palagi siyang may dalang blanket, at kapag nakikita niyang naiilang na ako, lumalapit agad siya para takpan ako. Ganu’n siya ka-gentleman," kuwento na lang ni Angel.
Richard-Angel nakalimot sa halikan!
Sampung araw na lang at Valentine’s Day na. At ngayon pa lang, handa na sina Angel Locsin at Richard Gutierrez na magsama sa araw na ‘yon.Umiwas nga si Richard na pag-usapan ang girlfriend niyang si Georgina, at si Angel naman ay libreng-libre ngayon mula nang maghiwalay sila ni Oyo Sotto.
Sabi ng dalawa, ie-enjoy nila ang araw na ‘yon na magkasama. Promo kasi ng The Promise ‘yon, at malamang na libutin nila ang iba’t ibang sinehan sa Maynila.
"Masaya ako na si Angel ang kasama ko sa araw na `yon. Siyempre, makakasama rin namin `yung mga supporters namin. So, maganda `yon, `di ba?" sabi ni Richard.
Usap-usapan nga ang maiinit na eksena nina Richard at Angel sa The Promise. At kung si Tita Annabelle Rama ang tatanungin, naniniwala siyang nanumbalik ang pagtitinginan ng dalawa.
"Bigay na bigay sila, ha!" say pa ni Tita Annabelle.
"Nung unang panahon kasi, kapag naghalikan ang isang babae at isang lalake, ang ibig sabihin noon, kayo na. Ganu’n kasi `yung panahon ni Mommy.
"Pero ngayon, iba na kasi. `Yung sa amin ni Angel, trabaho lang talaga," saad ni Richard.
"Basta kung ano `yung meron kami ni Richard, masaya kaming dalawa," sambit lang ni Angel.
Kunsabagay, kung oobserbahan mo ang mga kilos at tinginan nina Angel at Richard, puwede mo ngang isipin na may pagmamahal talaga sila sa isa’t isa.
"Basta, what you see is what you get na lang. Kung anuman `yung closeness na nakikita niyo sa amin ni Angel, kayo na ang bahala doon," hirit pa ni Richard.
Sa tingin pa lang ay nagkakaintindihan na raw sina Angel at Richard. Sa tagal na nga naman nang pinagsamahan nilang dalawa, siguro naman ay dapat lang na alam na alam na nila ang nararamdaman ng bawat isa.
"‘Yung sa akin lang, huwag muna sanang pangunahan `yung kung ano ang meron kami ni Richard ngayon. I mean, masaya kami talaga kapag magkasama.
"Ayaw naming paasahin ang mga fans namin na puwedeng maging kami. Basta kung ano `yung nakikita niyo ngayon, pabayaan niyo na lang muna sa amin `yon," pakiusap ni Angel.
Siyanga pala, parehong virgin sina Angel at Richard sa lampungan sa harap ng kamera.
"Masaya ako at ako ang nakasama ni Angel sa first love scene niya. Masaya ako at si Angel ang nakasama ko doon, kasi kumportable ako na kasama siya.
"Pakiramdam ko parang ako na `yung pinakasuwerteng lalake sa mundo dahil si Angel ang kasama ko. During that moment, I felt like ako `yung pinakasuwerte.
"Sino ba naman ang hindi magiging masuwerte na maka-love scene si Angel, eh, sobrang blooming siya, ang ganda-ganda niya.
"Ang seksi-seksi ni Angel. Kaya ang suwerte ko talaga," nakangiting saad ni Richard.
Anyway, naikuwento ni Angel na sa maiinit na halikan nila ni Richard ay tila nakalimot din silang dalawa. Nakalimot, dahil ni hindi na nila namalayan kung ano na ang ginawa nila.
"Pinabayaan kasi kami ni direk (Michael Tuviera) sa gagawin namin. Atsaka, kabado talaga kami. So, nakalimutan na namin `yung ibang mga bagay-bagay.
"Like, kung tatanungin niyo kung mahusay si Richard humalik, hindi ko na masasagot `yon, kasi nawala na `yon sa isip ko," nakangiting sambit na lang ni Angel.
Nadine, nagtiis sa pagmamaneho
Napadaan kami sa taping ng Bakekang kung saan ang kinukunan ay eksena nina Nadine Samonte at Sheryl Cruz. Walang masyadong usisero dahil dis-oras na nang gabi ito. Dito namin nalaman na si Nadine ang nagmamaneho ng kanyang kotse tuwing may mga trabaho siya. Nanggagaling pa ang aktres sa bayan ng Santa Rosa, Laguna.Naaawa man ang ina ay wala siyang magawa dahil hindi siya marunong magmaneho. Pinaalis na ng ina ang driver dahil madalas itong late at naapektuhan ang schedule ng aktres.
Dahil sa hirap humanap ng matinong driver ay napagtiisan nila ito nang almost one year. Ngayon ay halos three hours bago sila makarating ng Manila dahil mabagal mag-drive si Nadine.
Hindi pa pala gaanong tapos ang bahay na ipinagawa ni Nadine. Unti-unti raw nilang tinatapos ito. Sa pagtitiyaga ng dalaga ay naka-atikha siya ng bahay sa bayan nila.
Ilang eksena na lang ang kukunan kay Nadine sa Bakekang dahil nag-uumpisa na siya sa bagong programang Super Twins kung saan makakasama niya sina Jennylyn Mercado at Dennis Trillo.
Maganda ang pasok ng taon kay Nadine, kasama sa pilot episode ng Magic Kamison na mag-uumpisa sa Pebrero.
Mark on Jennylyn and Patrick: "Wala akong planong sirain ang
Marks says he's not getting back together with Jennylyn
Bakit umi-epal [nakikisali] si Patrick sa away naming personal ni Jennylyn?" says
Mark Herras
Tuloy pa rin ang sagutan at away-bati ng dating magkarelasyon na sina Jennylyn Mercado at Mark Herras.
Nakarating kay Jennylyn ang mga sinabi ni Mark tungkol sa kanya at sa boyfriend ng young actress na si Patrick Garcia. Galit na galit daw diumano si Jennylyn kay Mark.
Dahil dito, si Jennylyn naman daw ang nagsalita na hindi siya nirespeto ng kanyang dating boyfriend at binabaligtad ni Mark ang kuwento.
Ayon kay Jennylyn, hindi raw siya nagsumbong kay Patrick kundi kay Katrina Halili—ka-batch nina Jennylyn at Mark sa StarStruck. Si Mark daw kasi ang nanggugulo sa kanila ni Patrick dahil gusto raw nitong bumalik sa kanya ngunit ayaw na ni Jennylyn.
Around 4 p.m. kahapon, January 18, via a three-way phone call, pinagbati ng common handler nila sa GMA Artist Center na si Daryl Zamora sina Jennylyn at Mark. So it was thought na okay na, pero
hindi alam nina Daryl at Mark na sumagot palang muli si Jennylyn.
Friday morning, January 19, naglabasan ang mga sagot ni Jennylyn—although may advanced copies na ang ilan via the newspapers' website. Tiyempo namang nagkita kami ni Mark sa Station 168 Internet Café sa Tomas Morato so nahingan namin agad siya ng reaction.
Una, inamin ni Mark na pinagbati nga sila ni Daryl. He thought okay na ang lahat kung kaya't nagulat siya na nagpa-interview rin pala si Jennylyn kaya gusto niya lang itong sagutin.
"Wala akong planong sirain ang relationship nilang dalawa. Wala akong planong magsabi ng masama against them. Bakit umi-epal [nakikisali] si Patrick sa away naming personal ni Jennylyn?" pauna
ni Mark.
For the record daw, hinding-hindi siya bumabalik kay Jennylyn. Alam daw ni Jennylyn ang totoo.
Ipinabasa rin sa amin ni Mark ang actual text ni Jennylyn na paghahamon ni Patrick kay Mark na sinasabi ni Jennylyn na hindi totoo. We got Mark's permission to print the message as
is: "Tinatanong ni Pat ad m bigay ko ha? Alam m naman un pulitka hawak nun. Kaya handa m n sarili m ha? Ingat k lage."
Samantala, may kasamahan ding entertainment writer na nakausap si Katrina—also that Thursday night—to ask kung totoo ang sinabi ni Jennylyn na sa kanya isinumbong si Mark. Ang naging sagot ni
Katrina, hindi raw ito totoo dahil two weeks na silang hindi nag-uusap ni Jennylyn. Busy raw siya Atlantika.
Nag-follow up din kami nang personal kay Katrina. Tinanong namin kung totoong nagsumbong si Jennylyn sa kanya about Mark at kung totoong inamin niya na MU (mutual understanding) na sila ni Mark kay Jennylyn.
Ito ang naging sagot ni Katrina sa amin via text: "Not true. Walang katotohanan po `yan. Hindi ko alam kung saan galing `yan."
Jennylyn, Mark, nag-aaway na naman!
"Wala na nga siyang respeto sa akin, gagawa pa siya ng istoryang mali naman," matigas na pahayag ni Jennylyn Mercado sa kanyang publicist tungkol sa isyung hinamon daw ni Patrick Garcia si Mark Herras kamakailan. "Hindi po totoo na hinamon ni Patrick si Mark at hindi rin ako nagsumbong kay Pat, kay Katrina (Halili) ako nagsumbong na pagsabihan niya si Mark kasi ginugulo ako sa text at kung anu-anong masasakit na salita ang sinabi sa akin. Kaya kung gusto niyang irespeto ko siya, irespeto rin niya ako," paliwanag pa ng bida ng Super Twins.
Nakausap si Mark sa taping ng Princess Charming ng ilang katoto at nabanggit nga nito na nag-away sila ng boyfriend ni Jennylyn na si Patrick at hinamon siya ng suntukan.
"Nangungulit pong bumalik si Mark sa akin, hindi ko na tinanggap dahil ayoko na, kung anu-anong masasakit na salita na ang sinabi sa akin kaya nagalit ako at sinabi ko kay Kat na pagsabihan nga niya, galit din sa kanya (Mark) si Pat, pero hindi siya hinamon ng suntukan," pagdidiin ni Jennylyn.
Last two weeks ay nag-aminan on air sa Startalk na love nina Jen at Patrick ang isa’t isa at last week sa parehong programa kung saan sabay nag-guest ang dalawa ay tila naumid naman ang mga dila nilang magsalita nung deretsahan silang tanuning kung ‘sila’ na nga.
Jennylyn, Patrick finally admit romantic liaison
Jennylyn Mercado and Patrick Garcia finally admitted that they're on, after a week of trying to keep mum about the issue. Still Mercado would rather have kept it to themselves. In an interview with Lhar Santiago of "Chika Minute," aired on Wednesday evening, Mercado explained their reluctance to let admit the affair: "Kasi kamukha nung nangyari sa amin ni Mark [Herras] na parang gumulo. Okay na nga na gumulo, dahil ang daming chismis, ang daming naninira. Parang kami, naguguluhan na rin kami."
Herras, her ex-boyfriend, has himself been the subject of rumors, linking him to Katrina Halili.
Mercado and Garcia are very conscious too that they could very well use interest in their personal relationship to attract attention to their shows.
But they'd rather keep their personal lives separate from their careers.
"Mas gusto namin ang tahimik," Mercado said. "Pero hindi namin maiwasan ang hindi maging tahimik dahil nga maraming tao ang nagugulo."
Even their admission, in fact, was something they did out of media pressure.
"Actually, hindi kami ang nag-decide noon," Mercado said.
Last Saturday, January 14, Mercado and Garcia appeared on GMA's StarTalk, and gave what must be the most speechless interview ever in the history of local television.
Just a week earlier, they admitted on the same show that they love each other. In the January 14 episode, they made the admission by not denying anything.
Host Butch Francisco asked them if they were already officially a couple.
The couple looked into each other's eyes, Mercado lightly squeezing Garcia's thigh, but they said nothing, despite Francisco's repeated question.
The talk show host then decided that the silence, with not even a hint of denial from either, meant yes. So he asked each of them what their promise was to each other.
"Nandito lang ako para sa kanya, kung may problema siya," Garcia said.
To which Mercado gave the same reply: "Nandito lang ako for him."
So are they now ready to face an insistent media hungry for any little tidbit about their new relationship?
"Ready na. Siguro may limit na. Hindi na katulad ng noon."
Jennylyn Mercado, ayaw aminin ang relasyon nila ni Patrick Garcia?
Kakaiba ang dating ni StarStruck 1 Ultimate Female survivor na si Jennylyn Mercado ngayon. Bukod kasi sa kanyang new “Super Twins look”, ay aminado pa siyang inspired siya sa kanyang bagong boyfriend na si Patrick Garcia.Ngunit sa kabila ng pag-amin ng dalawa tungkol sa kanilang relasyon, sinabi ni Jen na mas gugustuhin niyang itago muna ito kung siya lang ang masusunod. Ayaw daw niya kasing paghaluing muli ang kanyang career at personal life.
Ayaw din niyang mapagbintangan sila ni Patrick na ginagamit ang kanilang relasyon para sa kanilang career.
Ang tanging hiling ng young star ngayon, magkaroon ng tahimik na love life dahil ayaw na niyang maulit ang naging magulong relasyon nila ng dating nobyong si Mark Herras.
Angel at Richard bigay-todo sa kanilang eksena
Magkakasamang humarap sa press ang producers ng The Promise na sina Anette Gozon-Abrogar ng GMA Films at sina Mother Lily at Roselle Monteverde-Teo ng Regal MultiMedia Inc. Co-produced ng dalawang film companies ang Valentine’s Day movie, kung saan bida sina Richard Gutierrez (as Daniel) at Angel Locsin (bilang Andrea) sa direksyon ni Mike Tuviera.
Nasa presidential table rin sina Joey Abacan ng GMA Films pa rin at ang scriptwriter na si Raquel Villavicencio.
Sa kanya nalamang mas based sa librong Wuthering Heights ang The Promise kesa Hihintayin Kita sa Langit.
In-adjust din niya sa age nina Richard at Angel ang istorya para mas maka-relate ang moviegoers, lalo na ang younger generation na ’di napanood ang Wuthering Heights at Hihintayin Kita sa Langit.
Tinanong si Raquel kung na-capture nina Richard at Angel ang character at passion ng character sa Wuthering Heights?
“I can say na ngayon lang talagang naghalikan nang ganu’n sina Angel at Richard. Parang sobrang sabik na sabik sila sa isa’t isa.
“Walang inhibitions, lalo na si Angel, na give na give at parang sabik na sabik dahil siguro wala nang magseselos. Ready sila to what the director wants them to do.”
From Annette, nalaman naming may two love scenes and three kissing scenes ang dalawa.
Kissing scene pa lang ang nakukunan at ang love scene, isu-shoot pa lang sa isang lighthouse sa Bolinao, Pangasinan kahapon.
Hindi nito naikuwento kung totoong hubad sina Angel at Richard sa nasabing love scene.
Dagdag pa ni Annette, kissing scene agad ang kinunan sa first shooting day ni Angel at take one ’yon.
Very natural ang eksena at lutang na naman ang kanilang chemistry.
First time rin maghuhubad sa movie si Richard at kahit topless lang, lilikha pa rin ng ingay ang pagpapakita nito ng hubad na upper torso.
Hindi pa masabi ni Annette ang budget ng movie, pero kailangan daw ’di ito lumampas sa P30 million. Kasama sa nasabing halaga ang talent fee nina Angel at Richard at production cost.
The best ang kinuha nilang technical people, gaya ni Marissa Floreindo, cinematographer.
Batangas (Calatagan at Tagaytay) Cavite, Bolinao, Antipolo, Tagaytay ang ilan sa location ng movie na comparable raw sa Batanes kung saan kinunan ang HKSL.
Sina Regine Velasquez at Ogie Alcasid ang kakanta ng theme song.
Kasama rin sa cast sina TJ Trinidad as Anton (si Eric Quizon ang gumanap sa HKSL), Ryan Eigenmann (role ni Michael de Mesa), Eugene Domingo (role dati ni Vangie Labalan) at Rhian Ramos (role ni Sharmaine Arnaiz). Sa February 14 ang showing ng pelikula.
Nasa presidential table rin sina Joey Abacan ng GMA Films pa rin at ang scriptwriter na si Raquel Villavicencio.
Sa kanya nalamang mas based sa librong Wuthering Heights ang The Promise kesa Hihintayin Kita sa Langit.
In-adjust din niya sa age nina Richard at Angel ang istorya para mas maka-relate ang moviegoers, lalo na ang younger generation na ’di napanood ang Wuthering Heights at Hihintayin Kita sa Langit.
Tinanong si Raquel kung na-capture nina Richard at Angel ang character at passion ng character sa Wuthering Heights?
“I can say na ngayon lang talagang naghalikan nang ganu’n sina Angel at Richard. Parang sobrang sabik na sabik sila sa isa’t isa.
“Walang inhibitions, lalo na si Angel, na give na give at parang sabik na sabik dahil siguro wala nang magseselos. Ready sila to what the director wants them to do.”
From Annette, nalaman naming may two love scenes and three kissing scenes ang dalawa.
Kissing scene pa lang ang nakukunan at ang love scene, isu-shoot pa lang sa isang lighthouse sa Bolinao, Pangasinan kahapon.
Hindi nito naikuwento kung totoong hubad sina Angel at Richard sa nasabing love scene.
Dagdag pa ni Annette, kissing scene agad ang kinunan sa first shooting day ni Angel at take one ’yon.
Very natural ang eksena at lutang na naman ang kanilang chemistry.
First time rin maghuhubad sa movie si Richard at kahit topless lang, lilikha pa rin ng ingay ang pagpapakita nito ng hubad na upper torso.
Hindi pa masabi ni Annette ang budget ng movie, pero kailangan daw ’di ito lumampas sa P30 million. Kasama sa nasabing halaga ang talent fee nina Angel at Richard at production cost.
The best ang kinuha nilang technical people, gaya ni Marissa Floreindo, cinematographer.
Batangas (Calatagan at Tagaytay) Cavite, Bolinao, Antipolo, Tagaytay ang ilan sa location ng movie na comparable raw sa Batanes kung saan kinunan ang HKSL.
Sina Regine Velasquez at Ogie Alcasid ang kakanta ng theme song.
Kasama rin sa cast sina TJ Trinidad as Anton (si Eric Quizon ang gumanap sa HKSL), Ryan Eigenmann (role ni Michael de Mesa), Eugene Domingo (role dati ni Vangie Labalan) at Rhian Ramos (role ni Sharmaine Arnaiz). Sa February 14 ang showing ng pelikula.
Jennylyn Mercado, cover girl ng Maxim
Tuwang-tuwa si Jennylyn Mercado sa magandang feedback ng pagiging cover girl niya ng Maxim for January. Ayon sa text message na kanyang natanggap, sa Trend Daily Newsstand Survey, as of Jan. 5 ay nasa 68 percent na ang sales ng nasabing glossy mag.
Ito raw ang kauna-unahang pagkakataon na nataasan ng Maxim ang sales ng kakumpetensiyang FHM Magazine.
Siyempre, masayang-masaya si Jen considering na hindi naman siya gaanong nagpakita ng flesh sa kanyang pictorial sa Maxim.
Kabado pa nga siya noong una dahil worried siyang baka hindi matanggap ng kanyang fans ang pagpu-pose nang sexy.
Pero nawala ang lahat ng worries niya nang makarating nga sa kanya ang magandang balita.
Ngayon daw niya napatunayang mahal talaga siya ng supporters at sinusuportahan ng mga ito ang lahat ng kanyang ginagawa.
Nagpapasalamat ang young actress-singer sa lahat ng tumangkilik ng January issue ng Maxim at wish niya, suportahan din ang kanyang next project sa GMA-7, ang Super Twins, na kasalukuyan nang ipinakikita ang teaser.
Makakasama ni Jen sa Super Twins sina Nadine Samonte bilang kakambal, Dennis Trillo, Patrick Garcia, Marian Rivera at marami pang iba.
Katrina envious of the sweetness of Jennylyn and Patrick
Aminado ang young si Katrina Halili na kinilig siya at nainggit sa sweetness nina Jennylyn Mercado at Patrick Garcia nang napanood niya ang dalawa sa TV na nagsasabihan ng "mahal kita." Patuloy nga ang speculation na nagkakamabutihan na sina Jen at Patrick, subalit ayaw namang direktang umamin ang dalawa. Pero nilinaw ni Katrina sa (PEP) Philippine Entertainment Portal na hindi porke ginawa ito ng dalawa ay tototohanin na rin nila ni Mark Herras ang napapabalitang pagli-link sa kanila at gagayahin nila sina Jen at Patrick.
"Napanood ko ‘yon kanina sa TV, naiinggit nga ako e," panimulang pahayag ng aktres sa kanyang 21st birthday party last Sunday, January 7 sa Mugen Bar, Metrowalk, Ortigas.
"Pero hindi naman kami magsasabihan ng ganoon ni Mark sa TV," mabilis na dagdag pa niya sa tanong kung susunod din silang magiging extra sweet sa TV ng napapabalitang manliligaw niyang si Mark.
"Sa akin lang kasi, parang ang sweet lang tingnan nina Jen at Patrick and natuwa talaga ako sa kanila. Pero iba naman ‘yong sa kanilang dalawa at iba naman ‘yong sa amin ni Mark," pahabol na paglilinaw pa ng aktres na itinanghal bilang Philippine's Sexiest Woman ng FHM last year.
Patrick Garcia to Jennylyn Mercado: "Mahal kita"
The young stars exchange "I love yous" on national televisionPatrick Garcia has shouted to the world that he loves Jennylyn Mercado
On national television, nagpalitan ng matatamis na "I love you" ang young stars na sina Jennylyn Mercado at Patrick Garcia. Ito ay naganap sa S-Files noong Linggo, January 7. Guest si Jennylyn sa live presentation ng programa samantalang na-interview naman si Patrick over the phone.
Sa kabila nito, hindi pa rin daw pormal ang relasyon ng dalawa.
Ayon kay Jennylyn, "Friends kami. Healthy naman yung relationship—friendship namin. Mabait siya sa family ko. Madalas siya sa bahay, ganun. Friends lang talaga. Normal lang."
Dahilan aminado naman ang dalawa na malapit sila sa isa't isa, naitanong ng interviewer na si Paolo Bediones kay Jennylyn kung ano ang hindi alam ng mga tao tungkol kay Patrick.
Natatawang sumagot si Jen na, "Naku, masandal lang siya, tulog na!"
Pero bumawi naman siya agad at sinabing, "Napakabait niya, sobra. Hindi ko ma-explain. Sobrang understanding, maalahanin. Sobrang sweet."
Hindi rin maiiwasang mapansin ang mamahaling bracelet na suot ni Jennylyn sa naturang guesting niya. Inamin ng young actress na regalo ito sa kanya ng ina ni Patrick.
Paliwanag ni Jennylyn, "Opo, yung mommy niya ang nagbigay. Even yung friends, nagbibigayan. Wala naman sigurong masama."
Siyempre, hindi na rin pinalampas ng S-Files ang pagkakataon na isama sa interview over the phone si Patrick, na noo'y nasa General Santos City. Sa telepono, agad tinanong ang young actor kung mahal na nito si Jennylyn.
"Kung sinabi kong mahal ko siya, sabihin kaya niya na mahal niya ako?" nakakagulat na sagot ni Patrick, na naging dahilan upang kiligin ang lahat ng nasa studio.
Tapos ay sinabi nitong: "Jen, hi! Mahal kita."
Dito na nagwala ang mga nasa studio na hindi mapigil sa kakasigaw.
Hindi naman maikakailang kinilig ang dalaga sa pahayag na iyon ng binata.
"Kinakabahan ako," ang nahihiyang sagot ni Jennylyn.
Sa tuwa ng dalaga ay nalimutan na nito ang tanong sa kanya.
"Hindi ko alam sasabihin ko. Ninerbiyos naman ako dun, Patrick. Ano nga pala yung tanong, nakalimutan ko?" nakakatawang sagot niya.
Nang ipaalala sa kanya ang tanong, maikli ngunit malaman din ang sagot ni Jennylyn: "Oo naman. Mahal din kita."
Pagkatapos nito ay dinig na dinig ang malakas na hiyawan ng mga tao sa loob ng studio.
Sinabi pa ni Patrick, "Sana katabi ko siya ngayon. Nandito ako ngayon sa Gen San e. Bukas na bukas lang nandiyan na ako sa tabi ni Jen."
Binigyang-diin ng binata na, "Kung mahal mo yung tao, dapat lahat tungkol dun sa tao mamahalin mo. So lahat tungkol sa kanya e nagustuhan ko at mamahalin ko siyempre."
Sagot naman ni Jen, "Thank you for being there for me. Stay as nice as you are. Nandito lang ako para sa iyo."
Kahit pa nagsabi na ng "mahal kita" si Patrick, hindi pa rin daw niya minamadali si Jen.
"Whenever she's ready," ang huling pahayag ni Patrick na nagpapahiwatig na handa siyang hintayin si Jennylyn.
Sa unang pagkakataon ay magkakasama sina Jennylyn at Patrick sa isang TV show. Pareho silang nasa cast ng sisimulang Super Twins ng GMA-7.
Patrick and Jennylyn still enjoying each other's company
Samantala, okey lang kay Patrick sakaling hindi pa siya sinasagot ni Jennylyn. Matagal na raw niyang crush ang young actress at hindi naman daw niya liligawan ang dalaga kung wala siyang paghanga rito. Ani Patrick, naiintindihan niya na career ang priority ni Jennylyn at ayaw naman niyang makasira sa career nito. Okey na raw sa kanya na close friends sila sa kasalukuyan.
"Pero siyempre, mas sasaya ako kung magiging special friends kami, di ba? And more than that, kung sasagutin na niya ako," habol niya.
"Okey din lang sa akin kung may nali-link sa kanyang iba. Ako naman kasi, kapag may mga ganyan, tinatanong ko siya kung ano ang totoo sa mga balita. And she never lied to me naman, in fairness to her.
"Tinatanong ko siya kapag may mga ganyang usapin, tanong na pabiro. And okay lang naman sa akin kung sino man ang gusto niya, siyempre, nasa kanya na ‘yon," paliwanag pa ni Patrick.
Iginiit pa ni Patrick na hindi siya nagmamadali sa kasalukuyang relasyon nila ngayon ni Jen.
Ayon kay Patrick, "Mas maganda kasi na mas makilala pa namin nang mabuti ang isa't isa. Lumalabas-labas naman kami although may kasama rin kaming iba pa. Pero okey na ‘yon.
"Time will decide kung ano talaga nararamdaman namin. As of now, we are happy with each other's company e." Nakangiti si Patrick habang sinasabi ito.
Sa panig naman ni Jennylyn, hindi rin direktang sinabi ng young actress ang totoong estado ng kanilang relasyon ni Patrick. Pero kitang-kita sa kanilang mga salita at kilos na may magandang namamagitan sa kanila.
