Showing posts with label Valerie Concepcion. Show all posts
Showing posts with label Valerie Concepcion. Show all posts
Angel and her new black boyfriend, Hummer
Sa laki ng bagong Hummer ni Angel Locsin, hindi mo iisiping babae ang may-ari nito. Dala-dala niya ang nasabing sasakyan sa post birthday party last Sunday with Gabriela at pagkalaki-laki niyang nakaparada sa harap ng studio ni Becky Aguila sa Commonwealth.
Super ganda nga ng nasabing sasakyan, which we found out, ay dream vehicle pala ni Angel. Mas maliit lang ito nang kaunti sa truck at ang unang impresyon kapag nakita mo'y sundalo ang may-ari at lalaban sa giyera.
Eh, black pa ang kulay, kaya mas masculine ang arrive.
Bakit ba niya naisip na bumili ng panlalaking sasakyan?
"Para mas astig, 'di ba?" aniya. "Saka noon pa talaga, gustung-gusto ko nang magkaroon nito, bata pa ako pangarap ko na 'to."
Kaya naman kahit mahal (more than P5M) at presyo na ng isang bahay at lupa, pikit-mata itong binili ni Angel kesa lifetime na pagsisihan na hindi niya pinagbigyan ang gusto.
Besides, Angel deserves it dahil todo-kayod naman ang dalaga sa pagtatrabaho.
Anyway, ang nasabing affair with Gabriela, titled Gabriella Meets Gabriela (ito kasi ang pangalan niya sa Asian Treasures), ay pinaghandaan talaga ni Angel. Nag-enjoy ang mga miyembro sa parlor games, kantahan, inuman at sayawan.
Bukod kay Angel at sa Gabriela members, dumalo rin ang ilan sa mga cast ng Angels na sina Marvin Agustin, Paolo Paraiso, Marco Alcaraz, Valerie Concepcion at Eunice "Charming" Lagusad.
Habang ongoing ang event, parating magkadikit sina Marvin at Angel. Looks like nakatulong ang Boracay trip para lalo silang maging close.
Valerie Concepcion says her daughter is worth the sacrifice
Magta-tatlong taon na this October ang anak ni Valerie Concepcion na si Heather Fiona, na binubuhay mag-isa ng young actress. Walang sustento, at ni walang komunikasyong natatanggap si Valerie, mula sa non-showbiz guy na ama ng kanyang anak.Kung bigla raw sumulpot ang lalaki upang makipag-usap sa kanya at kumustahin ang bata, open daw siya rito. Pero ibang usapan na raw kapag nagtangka ang lalaki na kunin mula sa pangangalaga ni Valerie si Heather Fiona.
Ayon kay Valerie, nakahanda siyang ipaglaban ang kanyang anak hanggang saan man umabot, kung sakaling may magtangkang kunin ito mula sa kanyang poder.
Kung dumating ang punto na kausapin siya ng lalaki at alukin ng kasal, either dahil mahal siya nito or para magkaroon rin ito ng karapatan sa bata, hinding-hindi na raw papayag si Valerie.
Mas may posibilidad na pumayag siya kung sakaling visitation rights lamang ang hilingin ng lalaki, or kung hiramin nito ang anak nila paminsan-minsan. Pero wala pa rin itong kasiguraduhan dahil malabong
pumayag ang kanyang mga magulang na ipahiram or ipakita man lang ang bata sa ama nito.
On a different note, magkapatid sina Valerie at Angel Locsin sa bakuran ng talents ni Becky Aguila. Kung nanahimik for a while dati ang career ni Valerie dahil nga sa pagbubuntis niya, umalagwa naman
nang husto ang popularidad ni Angel. Si Angel ay isa na sa mga pinakasikat na young stars sa local show business ngayon.
Hindi naman nagpapaka-ipokrita si Valerie. Nasabi niyang there were times na hinangad din niya ang estadong narating ni Angel. Naisip din raw niya na kung hindi siya nabuntis ay baka naabot din niya ang tinamasang success ngayon ni Angel. Pero naisip niya na maaari ring hindi talaga nakatadhana na maging kapareho niya ang kapalaran si Angel, nabuntis man siya o hindi.
Very sincere na sinabi ni Valerie na Heather Fiona is worth all the good things in showbiz that she failed to get because she became a mother.
Samantala, abut-abot ang pasasalamat ni Valerie dahil sa pagkakakabigay sa kanya ng GMA-7 ng biggest break niya so far, ang papel niya bilang Nora sa Sinasamba Kita. Ang naturang role ay
ginampanan ni Lorna Tolentino sa movie version nito.
Kasama ni Valerie sa Sinasamba Kita sina Sheryl Cruz bilang Divina, Wendell Ramos bilang Jerry, at Carlo Aquino bilang Oscar. Ito ay sa ilalim ng direksiyon ni Joel Lamangan.
Valerie Concepcion, pantasya ni Carlo!
May kopya ng FHM magazine si Carlo Aquino na si Valerie Concepcion ang cover. Aminado si Carlo na kasama na sa file niya ang mga seksing larawan ni Valerie.`Yun nga lang, ayaw sagutin ni Carlo ang tanong sa kanya kung madalas ba niyang pagpantasyahan ang mga seksing larawan ni Valerie. Pero, aminado siyang hot na hot ang dating ni Valerie sa kanya.
Sabi pa ni Carlo, may kakaibang beauty kasi si Valerie. Morena raw kasi, at kahit may anak na ito, hindi pa rin nabawasan ang sex appeal nito sa kanya.
"Tapos, mukha siyang suplada, pero hindi pala. Mahilig siyang magkuwento. Makulit siya at madaldal.
"Maganda ang chemistry namin. Tahimik ako at masayahin siya," sabi ni Carlo.
Sa presscon nga pala ng Sinasamba Kita ng GMA 7, bitbit ni Carlo ang kanyang digital camera na kung saan ay may mga kuha si Valerie.
Dingdong Dantes reacts to "kissing photo" of ex-gf Antoinette Taus
"Direk Dingdong" na ang tawag sa young actor-director na si DingdongDantes ng mga taong inabutan ng PEP (Philippine Entertainment Portal) sa last shooting day ng "Daddy's Angel," isa sa episodes ng trilogy movie na Angel, last April 18 sa Kamuning Elementary School. Ang naturang pelikula ay initial venture ni Angel Locsin at ng manager
nitong si Becky Aguila sa kanilang Eagle Eye Productions.
During the lunch break ay nakausap ng PEP si Dingdong na very
thankful sa mga producers niya. Flattered daw siya nang kausapin siya personally ni Angel upang magdirek ng "Daddy's Angel" na nagtatampok kina Marvin Agustin, Valerie Concepcion, Paolo Paraiso, Nash Aguas, at Ms. Jaclyn Jose. Ito ang first movie directorial job ni Dingdong, bagama't ilang beses na siyang nakapagdirek sa TV (kabilang na ang Kakabakaba Adventures at ilang episodes ng Atlantika).
"Hindi ako pressured sa oras. Nagagawa at napag-aaralan ko ang gusto kong gawin. Bago ako pumunta sa location, nabasa ko na ang script, pero mas pinag-aaralan ko ang gagawin ko kapag nasa set na ako. Kung minsan kasi, hindi maiiwasan na may aberya. Like noong mag-shooting kami sa New Bilibid Prison—dahil nakakulong doon si Marvin—nagkaroon ng aberya nang may mga pumasok na inmates sa set namin. Pero napaka-supportive naman ng mga officials doon at madaling naayos ang problema," kuwento ni Dingdong.
Dagdag pa niya, "Naging madali para sa akin ang execution ng mga
eksena dahil sa mahusay na acting ng mga artista ko. Open din ako sa suggestions nila dahil as an actor and director, alam ko kung ano ang napi-feel nila. Anumang suggestions nila, pinag-aaralan namin at kung okay, itinutuloy namin. Isa pa, kung na-feel nila ang eksena, ibig sabihin, tama ang ginawa namin.
"Kung minsan kahit mahirap ang trabaho namin, kapag nakita mo naman na maganda ang nagawa mo, walang katumbas na pera ang kasiyahang nararamdaman mo. Ito nga, dahil last shooting day na namin, gusto ko nang makita ang rushes," excited pa niyang sabi.
Samantala, hiningi rin namin ang comment ni Dingdong sa balitang nagtampo raw siya sa girlfriend niyang si Karylle kaya nagkakalabuan sila ngayon. Although inamin niyang nagtampo nga siya, matibay pa rin daw ang relasyon nilang dalawa.
"Totoo na medyo nagtampo ako kay Karylle noong birthday niya last March 20 kasi tumanggap siya ng shooting ng isang indie film sa Bacolod noong araw na `yon. Siyempre, gusto ko namang kasama ko ang girlfriend ko sa birthday niya. Pero wala po `yon," paliwanag ni Dingdong.
"Pinagsabay na lang namin yung celebration ng birthday niya at yung second anniversary namin noong April 3. I treated her sa isang dinner in Tagaytay. Doon ko na rin ibinigay sa kaniya ang
birthday/anniversary gift ko—isang spear made of steel, replica ng spear na ginamit niya as Alena sa Encantadia. Naka-display na ito sa room niya. Matagal na kasi niyang gustong magkaroon no'n, as a
remembrance daw sa first telefantasya namin together sa GMA-7."
Nakita na ba niya o aware ba siya sa naglabasang "kissing scene" sa Internet and tabloids ng dati niyang girlfriend na si Antoinette Taus at ng friend nitong si Bianca King?
"Nakita ko, pero hindi ako nagulat. Natawa na lang ako. Alam ko kung gaano ka-close sina Toni at Bianca at matagal na talaga silang ganoon kung magbatian at mag-goodbye. Kahit noon pang kami ni Toni, ganoon na sila. Hindi lang nila ipinakikita sa harap ko. Wala pong lesbian sa kanila, I'm sure of that," pagtatapos ni Dingdong.
