Kapuso Stars

Tuloy na tuloy na ang napabalitang shelved project ni Jackie Rice sa GMA-7, ang afternoon soap na Sisid.

"Tuloy na tuloy! Happy, happy siyempre, panibagong project," sambit ni Jackie sa taped interview sa kanya ng StarTalk TX na ipinalabas kahapon, March 5.

Bakit nga ba hindi natuloy noon ang Sisid?

"Sabi nila, parang hihintayin muna nila na magkaroon ako ng confidence bago talaga i-push, di ba? Ayaw naman nila siyempre...hindi naman sila magsasayang ng pera sa hindi talaga alam yung ginagawa," sagot ng StarStruck 3 winner.

Ang napabalitang problema ay ang kakulangan pa sa kaalaman ni Jackie Rice na lumangoy. Sa Sisid kasi ay nire-require ang magandang young star na magkaroon ng maraming swimming sequences.

"Hindi talaga ako marunong lumangoy, pero ngayon marunong na ako," sabi niya.

Kakailanganin nga din ba na magpaseksi nang husto si Jackie Rice sa naturang project?

"Kung 'yon naman ang hinihingi nila, pero wala naman silang sinasabing ganun," sagot niya.

JACKIE'S CO-STARS. Bukod kay Jackie Rice, kasama rin sa Sisid sina JCTiuseco, Ian Batherson, at Dominic Roco bilang mga leading men niya; at si Rich Asuncion at ang nagbabalik na si LJ Reyes bilang mga kontrabida niya.

Masaya rin sina JC at Ian na matutuloy na ang Sisid.

Ani JC, "Kasi at least nakapag-prepare kami ng sarili namin, yung gusto namin na body weight namin, makukuha namin. At least pag start ng show, okay na kami, prepared kami, tsaka we've done workshops na rin."

Isa pang espesyal sa Sisid ay first time na magkakasama sa isang proyekto ang mag-amang Bembol at Dominic Roco.

"I'm really looking forward to this opportunity and, di ba, do some impact on the show," pahayag ni Bembol.

Sabi naman ni Dominic, "Finally! Excited na rin kasi makakatrabaho ko ang idol ko, my mentor, kaya ayun, very excited. Alam ko marami siyang maituturo sa akin, at least alam ko I'm in good hands."

Si Rich ang lalabas na kontrabida sa buhay ni Jackie Rice sa Sisid.

"This time, talagang tuluy-tuloy na yung pag-categorize sa akin as kontrabida," sabi niya.

Sabi naman ni LJ sa kanyang kontrabida role: "Yung craft kasi pag kontrabida ka, iba, e. Tsaka ako rin naman ang nag-request na gusto ko mas challenging na yung role."

Sa pagbabalik-showbiz ni LJ Reyes pagkatapos niyang isilang ang anak nila ng boyfriend niyang si Paulo Avelino na si Aki ay may bago na rin siyang manager.

Kasama na siya sa pool of talents ng PPL Entertainment Inc., na pinamamahalaan ni Perry Lansigan. Magkasunod lang silang pumirma ng isa pang bagong talent ni Perry na si Wendell Ramos.

Sa pakikipag-usap ng PEP (Philippine Entertainment Portal) kay LJ sa pamamagitan ng text ay sinabi nitong masayang-masaya siya na tinanggap siya ni Perry bilang alaga nito.

Ayon pa sa StarStruck alumna, gusto naman niyang subukan na may ibang manager since from the beginning ay ang GMA Artist Center na ang humawak ng kanyang showbiz career.

"Tapos na kasi yung contract ko sa Artist Center so, ako naman, parang gusto ko namang subukan or mag-try ng iba," sabi ni LJ. "Nagpapasalamat naman ako na pumayag naman si Kuya Perry na i-manage ako.

"So far, hindi ko pa alam kung ano ang mga magiging plano niya for me, sa career ko, kasi kaka-sign ko pa lang naman. Idi-discuss pa namin yun for sure. But knowing Kuya Perry, baka i-surprise na lang ako niyan."

GOING SEXY? Ang unang project ni LJ Reyes sa pagbabalik-showbiz niya ngayong isa na siyang ganap na ina ay ang afternoon soap na Sisid, na pagbibidahan ni Jackie Rice. May pagkaseksi ang tema ng soap kunsaan si LJ ang magiging main kontrabida ni Jackie.

Simula na ba ito ng pagpapaka-daring niya, lalo pa nga't hindi na nasundan ang daring move niya simula nang mag-cover girl siya sa FHM?

"Siguro!" sagot ni LJ. "Kasi, the project itself daw, as Direk Ricky Davao have told us, is very sexy and intimate. Kaya lahat daw kami, kailangang magpa-sexy sa show."

Hindi naman mahihirapan sa aspetong ito si LJ. Kung titingnan kasi siya ngayon ay para siyang hindi nanganak. Mas sexy pa yata siya ngayon kumpara noong hindi pa siya nabubuntis.

EAGER TO WORK. Na-miss daw ni LJ Reyes ang pag-arte kaya very eager siyang mag-taping ulit at makabalik sa trabaho. Pero alam daw niyang kapalit nito ay mababawasan ang oras niya sa anak nila ni Paulo.

Pero aniya, "Naku, wala naman po yatang magulang ang kayang iwan ang anak. Pero, baka magutom kami kung hindi ako magwo-work! Joke lang!

See baby Aki latest picture http://plixi.com/p/81268833 tweeted by Ryza Cenon http://twitter.com/#!/iamryzacenon

"Hindi ko naman talaga siya iiwan. Kapag may chance na isama ko siya kahit sa taping, isasama ko siguro si Aki. Or kapag si Paulo naman ang walang work, siya naman ang in-charge."

by: Rose Garcia