Showing posts with label Nicole Anderson. Show all posts
Showing posts with label Nicole Anderson. Show all posts
Mark Herras talks about his playboy image
Isa sa leading ladies ni Mark Herras sa Fantastic Man ang dating na-link sa kaniya na si Ryza Cenon. Tinanong namin ang young actor kung
ano ang pakiramdam niya na maayos na ang sitwasyon ngayon sa pagitan
nina Ryza at Jennylyn Mercado, ex-gilrfriend ni Mark.
Matatandaang nagkaroon ng alitan noon sina Jennylyn at Ryza dahil kay
Mark. Hindi nakialam si Mark sa gap ng dalawang young actress.
"Before, nung nag-away sila, sabi nila because of me daw. Ngayon,
yung away nila na sobrang tagal na, parang wala na akong kasalanan
dun," rason ni Mark.
"Kasi kami ni Ryza, we're friends, ganun din kami ni Jen. Kung may
away sila, hindi ko na ano yun. Kaya kung okay na sila, e, di
maganda. Okay na kaming lahat, wala na dapat na intriga pa tungkol dun. Tapos na yun, hindi na dapat pang binabalikan at pinag-uusapan, " paliwanag pa niya.
Napag-usapan din namin ni Mark sa recent visit namin sa taping niya for Princess Charming, na magtatapos na this week, ang image niya bilang isang babaero. Ayon kay Mark, kung naging babaero man siya, never siyang nagkaroon ng girlfriend nang sabay-sabay.
Ang babaero raw kasi, sabay-sabay mag-girlfriend, na ni minsan daw ay hindi naranasan ni Mark. Ang paggi-girlfriend daw niya ay isa-isa lang pero sunud-sunod, na hindi naman daw niya sinasadya. Malaki raw ang pagkakaiba nun.
Sinabi ni Mark na may mga pagkakataon pa nga na nali-link siya sa mga kaibigan lang niya. Iniintriga agad na nililigawan niya or nagiging girlfriend niya kahit hindi.
Kahit sila raw ni Nicole Anderson, na niligawan niya, na kasama rin ni Mark sa Fantastic Man, okay na ang sitwasyon sa pagitan nila.
Ipinahayag pa ni Mark na ngayon mas malawak na raw ang pag-iisip nila pareho ni Nicole kaya alam nila kung paano i-handle nang maayos ang sitwasyon, kung paano ibalanse, at ihiwalay ang anumang personal issues sa kanila noon at sa trabaho nila ngayon.
Ryza at Nicole posibleng malink ulit kay Mark
MAGKASAMA sa Fantastic Man sina Ryza Cenon at Nicole Anderson, parehong na-link sa bidang si Mark Herras. Pareho ng sinabi ang dalawang dalaga na “strictly professional” ang pakikipagtrabaho nila sa actor, pero expected nilang maiintriga ang pagsasama-sama nilang tatlo.
Mas malaki ang tsansang mabuhay ang tsismis kina Ryza at Mark, dahil isa ang dalaga sa kapareha ng actor, samantalang si Nicole ay gumaganap na secretary ni Joey Marquez.
In fact, sa presscon pa lang sila nagkita’t wala pang eksena together.
Busy din si Nicole sa Bleach, kung saan boses ni Inoue ang dina-dub. Okey sa kanya na light ang schedule ngayon dahil graduating siya sa British School. Namimili na siya kung sa Ateneo, University of Asia & the Pacific o sa States mag-e-enroll ng Marketing Communications and Public Relations.
Parehong walang lovelife sina Nicole at Mark. Hindi kaya maging daan ang show para manumbalik ang pagkagusto ng actor sa dalaga?
Kaya lang, baka mag-dialogue na naman si Nicole ng “He’s so yesterday,” patungkol kay Mark.
