Showing posts with label Lupin. Show all posts
Showing posts with label Lupin. Show all posts
Katrina gustong balikan ng ex-bf
MADALAS pa rin palang nagkakausap ngayon sina Andrew Schimmers at Katrina Halili kahit inamin na nilang break na sila.Nang nakausap namin si Andrew, nasabi niyang close friend pa rin silang dalawa ni Katrina. Kung hindi naman sila nagkikitang madalas, nag-te-texting daw sila at nagtatawagan.
"Sa ngayon, hindi ko pa masasabing magkakabalikan na kami ni Katrina. Wala sa isip namin ang muling magkaroon ng relasyon. Masaya na kaming magkaibigan sa ngayon. Kung magkakabalikan kami, hindi pa siguro panahon. Pareho kaming busy sa aming career."
Nabanggit ni Andrew na super busy si Katrina sa soap nitong Lupin. Almost four times a week daw ang ta-ping nito.
Samantala, si Lupin, played by Richard Gutierrez ay makukulong na nang habambuhay sa Isla Muerte. Doon ay biglang lalabas ang madre na si Sister Anna Nicole na gagampanan naman ni Ara Mina. Kung bakit andoon ang madre sa isla ay hindi pa batid ng marami.
Mag-a-attempt sina Ashley (Katrina Halili) at Brigitte ( Ehra Madrigal) na gumawa ng plano para sagipin si Lupin sa isla at maitakas ito. Magtagumpay kaya sila?
Sexy Role for Jennylyn Mercado naudlot
SILIP could have been Jennylyn Mercado's first sexy role pala sana.Done na ang principal photography ng Silip, Seiko Films' first movie of the year directed by Joel Lamangan from the script of Raquel Villavicencio.
It stars Polo Ravales, Diana Zubiri and Francine Prieto at sa Nueva Ecija ito nag-shoot. Both Polo and Diana shot their scenes in between their Lupin and Asian Treasures taping respectively.
Now, we heard it was originally offered to Regal Films pala and it
would have starred Polo pa rin but with a different set of leading
ladies, sina Jennylyn and Katrina Halili.
Okey sana ito for Katrina kaso tinanggihan daw ni Mother Lily ang movie for Jennylyn dahil she still wants to maintain Jennylyn's wholesome image.
Sayang, ready na rin yata si Jennylyn for mature roles like this.
Katrina Halili has a new suitor!
May bagong manliligaw si Katrina Halili. Ito ang natiyak ng PEP (Philippine Entertainment Portal) nang may dumating na isang bilaong pancit at bouquet of flowers para sa young sexy actress sa taping ng Lupin last April 27 sa may Quezon City.Noong una ay itinatanggi pa ni Katrina ang ukol dito at sinabing siya ang nagpabili ng pancit dahil gusto niya raw kumain nito. Bugbog kasi sa pagda-diet ngayon ang young sexy actress para mapanatili ang kanyang sexy figure, kaya natatakam daw siyang kumain ng pancit.
Ukol sa bulaklak, ngiti lang ang isinagot niya sa pag-uusisa ng PEP. Pero nang amin siyang kulitin, "Galing po yung flowers sa non-showbiz friend ko. And yung pancit, nagpabili lang po talaga ako dahil gusto kong kumain ng pancit," palusot ni Katrina.
Kahit pagod sa matitinding eksena at puyatan, tila hindi nawawala ang energy ni Katrina sa pagtatrabaho. Inusisa uli namin siya kung ang rason ba ng pagiging inspirado niya sa pagtatrabaho ay ang bago niyang suitor.
"Hindi po, kayo talaga!" nakatawang hirit niya. "Ako naman po kasi, kapag trabaho, trabaho talaga. Kailangan kong magtrabaho nang mabuti dahil marami akong pangarap sa buhay. Wala pa akong time sa boys kaya hataw muna tayo sa trabaho."
Ayaw mang ilahad ni Katrina ang pagkikilanlan ng bagong suitor, isa lang ang tiyak—ito'y hindi taga-howbiz.
