Kapuso Stars

Kuwento ng manager ni Jennylyn Mercado na si Tita Becky Aguila, nagdesisyon na si Jen na ipatanggal ang kanyang tonsil para matigil na ang pabalik-balik ng sakit niyang tonsillitis.

Ang tonsillitis daw ni Jennylyn Mercado ang isa sa mga rason kung bakit madalas na nagkakasakit ang aktres at isinusugod sa ospital.

Dahil daw sa sakit na `yon, hindi makagawa ng show o concert si Jennylyn Mercado, na madalas niyang gawin noong hindi pa siya nagkakaroon ng sakit na ganito.

Kuwento nga ni Tita Becky, dapat ay marami na silang nagawang show o concert ni Jennylyn, kaya nga lang, hindi ito natutuloy dahil sa madalas na pagsulput-sulpot ng ubo at lagnat ng aktres.

At ayon naman daw sa doctor ni Jennylyn Mercado, maaari na nitong ipatanggal ang kanyang tonsil para maiwasan na rin ang posibleng pagkakaroon ng heart disease ng aktres.

Tiniyak naman ng doctor ni Jennyly na hindi maapektuhan ang singing voice ng aktres kapag natanggal na ang kanyang tonsil.


Anyway, nu’ng birthday daw ni Empress ay pinilit pa rin ni Jennylyn na kumanta kahit masama ang pakiramdam nito. Hindi raw kasi nito matanggihan si Empress dahil close ito sa dalaga.

At nagtagal lang daw ng konting oras si Jennylyn sa party, at pagkatapos ay umuwi na rin para makapagpahinga.

Kuwento pa ni Tita Becky, Isang buwang magpapahinga si Jennylyn matapos ang operasyon. At pagbalik daw ni Jennylyn ay agad na nitong haharapin ang bagong project sa GMA 7.

Ang Little Star ang huling serye na ginawa ni Jen sa GMA 7.

Balak na rin ni Tita Becky na pagtuunan ng pansin ang pagkanta ni Jennylyn. Inaasahan ni Tita Becky na makakapag-usap na sila ng Viva Records para sa dalawang album pa na natitira na dapat gawin ni Jen.

Meron din daw dalawang movies na gagawin si Jennylyn, mula sa tatlong pelikula na pinirmahan nila sa Viva Films.

Siyanga pala, sa March 1 and 2 ay nasa Hong Kong si Jennylyn para dumalo sa red carpet premiere ng ‘Rosario’, kasama ang producer nila na si Mr. Manny V. Pangilinan.

by:Rey pumaloy

Masaya raw ang sexy Kapuso star na si Jennylyn Mercado sa kanyang career at personal life. Kamusta naman kaya sila ni Dennis Trillo ngayong nagkakausap na uli sila ni Patrick Garcia na ama ng kanyang anak?

Naabutan ng entertainment reporter na si Lhar Santiago si Jennylyn sa kanyang sexy pictorial para sa isang magazine. Babaeng nasa gitna ng snow ang concept ng pictorial at dito ay kitang-kita ang pagiging sexy ng aktres.

Pero paglilinaw ni Jen sa Chika Minute ng GMA news 24 Oras nitong Martes, hindi para sa men’s magazine ang naturang mga larawan. Pero papaano nga ba name-maintain ni Jennylyn ang kanyang kaseksihan?

“Wala naman akong maintenance ano lang talaga, maingat ako sa mga kinakain ko, pakonti konti lang. Kung meron man akong kakainin na medyo nakakataba, konti lang," ayon kay Jen, na masaya ring nagbahagi sa kanyang filmfest movie na Rosario.

Ayon sa aktres, very thankful siya sa pagkakataong ibinigay sa kanya na maging bida sa isang malaking pelikula na ipapalabas sa Disyembre.

“Napakaganda ng ibinigay nilang opportunity sa’ken, so I feel so blessed and ang laki ng pasasalamat ko," dagdag niya.

Kontento raw ang aktres sa kanyang kanyang career at personal na buhay. Next month ay magsisimula rin daw ang bago niyang project sa Kapuso Network.

Kamusta naman kaya sila ni Dennis Trillo na napabalitang nobyo niya ngayong maganda rin ang pagkakaibigan nila ni Patrick Garcia na ama ng kanyang anak na si AJ.

Sagot ni Jen, wala naman daw silang naging problema ni Dennis mula nang magkausap na silang muli ni Patrick para sa kanilang anak.

"Never kaming nagkaproblema ni Dens tungkol sa ganyang mga bagay dahil naiintindihan naman niya lahat e. Kasi una, pinagdaanan niya rin yun, tatay naman siya saka very understanding yung taong ‘yon, paliwanag ni Jennylyn.

Alam ba ni Dennis na magiging sexy ang kanyang pictorial sa magazine?

"Ay hindi! ‘Wag kayong maingay, ‘wag niyong papalabas ‘to ha!," biro ni Jen sabay habol na, “Oo naman (alam ni Dennis)." - FRJimenez, GMANews.TV

Itinanggi ng manager ni Jennylyn Mercado na si Becky Aguila ang napabalitang lilipat na ang aktres sa TV5. May existing network contract si Jen sa GMA-7 for three years at last May lang ito pumirma kaya imposible raw na mag-ober da bakod ito.

Bukod dito, ayon sa manager, wala naman siyang makitang rason para ilipat ang aktres dahil so far ay naaalagaan naman daw ito ng Kapuso at nabibigyan ng magagandang proyekto.

May pelikula si Jennylyn under Cinemabuhay at Studio 5 na film arm ng TV5 – ang Rosario – kaya marahil nagkaroon ng tsismis na lilipat na siya sa Kapatid network.

Ayon kay Tita Becky, sobrang excited na sila for Rosario dahil this early ay napakarami na raw pumupuri sa acting ni Jen. Sobrang ginastusan din daw nang husto ng produksyon ang pelikula at baka raw humakot pa ng awards.

“Si Albert Martinez na director ng movie, sobrang binusisi niya ang pelikula. May time na nagbutas pa siya ng pader para lang makuha niya ang gusto niyang shot sa isang eksena. Ang galing niya, grabe, talagang kinarir niya ang movie,” pahayag pa ni Tita Becky.

At maging si Jen daw ay hindi tumanggap ng ibang projects para lang makapag-concentrate sa movie.

“For two months, hindi siya nag-Party Pilipinas dahil gusto niya, ang concentration niya ay sa Rosario lang. Talagang kinarir din niya nang husto ang movie at natutuwa naman siya na sulit naman ang lahat ng kanyang pagod because ang ganda lumabas ng movie,” kuwento pa ng manager.

Rosario is one of the official entries at the Metro Manila Film Festival ngayong Disyembre at kasama rin dito ni Jen ang rumored boyfriend na si Dennis Trillo bilang leading man.